နာတာရှည် ခြေထောက်သွေးပြန်ကြောရောဂါ (CVI)

နာတာရှည် ခြေထောက်သွေးပြန်ကြောရောဂါ (CVI) ဆိုတာ

ခြေထောက်မှာရှိတဲ့ သွေးပြန်ကြောရဲ့ အဆို့ရှင်က ကောင်းကောင်း အလုပ်မလုပ်နိုင်တာကြောင့် နှလုံးဆီသွေးပြန်ပို့တဲ့ အခါ သွေးတွေ ဘက်ပြန်စီးဆင်းမှုဖြစ်ပြီး သွေးပြန်ကြောထဲမှာ သွေးတွေစုသွားတဲ့အခြေအနေမျိုးပါ။ အပေါ်ယံအရေပြားအောက်ဘက်မှာ သွေးတွေစုနေတာမျိုး သွေးကြောတွေထုံးနေတာမျိုးတွေ့ရနိုင်ပါတယ်။ ခြေထောက်အောက်ဘက်ပိုင်းမှာတွေ့ရများပေမယ့် ဒီဝေဒနာက ခန္ဓာကိုယ်မှာ ရှိတဲ့ သွေးပြန်ကြောတွေ တိုင်းမှာ ခံစားရနိုင်ပါတယ်။
ဒီဝေဒနာခံစားရတဲ့အခါ မြန်နိုင်သမျှမြန်မြန်ကုသမှုခံယူဖို့လိုအပ်မှာပါ။ ကုသမှုမြန်မြန်ခံယူနိုင်မှာ ကုထုံးကထိရောက်မှုရှိပြီး သက်သာပျောက် ကင်းဖို့ အခွင့်အလမ်းများ တာကြောင့် ရောဂါလက္ခဏာတွေ ကို မြန်မြန်သိရှိဖို့လိုအပ်ပါမယ်။ ဒီတော့ နာတာရှည် ခြေထောက်သွေးပြန်ကြောရောဂါ CVI ရောဂါခံစား ရရင်ဘယ်လို လက္ခဏာတွေဖြစ်နိုင်လဲဆိုတာကို ဆက်ကြည့်လိုက်ရအောင်နော်။

ဒီလိုလက္ခဏာတွေခံစားရနိုင်ပါတယ်

• ခြေထောက်တွေထဲက နာကျင်နေခြင်း
• ခြေထောက်လေးလံခြင်း (အထူးသဖြင့် တစ်နေကုန် အလုပ်လုပ်ပြီးနောက်)
• ခြေထောက်ဖောရောင်ခြင်း
• ခြေထောက်အပ်စူးသလို  ခံစားရခြင်း (သို့မဟုတ်) ထုံကျဉ်ခြင်း
• ကြွက်တက်ခြင်း (အထူးသဖြင့် ညပိုင်းတွင်)
• ခြေထောက်ယားယံခြင်း၊ နေရခက်ခြင်း

ဒီအချက်တွေကြောင့် ရောဂါခံစားရနိုင်ပါတယ်

ဘယ်သူတစ်ဦးတစ်ယောက်မဆို နာတာရှည် ခြေထောက်သွေးပြန်ကြောရောဂါ (CVI) ကိုခံစားရနိုင်ပါတယ်။ ဒါပေမယ့် ဒီလူတွေကခံစားရနိုင်ခြေ ပိုများနေပါတယ်။

• အဝလွန်တဲ့သူတွေ
• ကိုယ်ဝန်ဆောင်မိခင်တွေ
• အထိုင်များတဲ့သူတွေ
• ဆေးလိပ်သောက်တတ်တဲ့သူတွေ
• သွေးပြန်ကြောမှာ သွေးခဲတတ်တဲ့သူတွေ
• မျိုးရိုးရှိသူတွေ
• အချိန်ပြည့်မတ်တတ်ရပ်နေရသူတွေ
• အသက် ၅၀ ကျော်သူတွေ
• အမျိုးသမီးတွေ မှာ CVI ရောဂါခံစားရနိုင်ခြေက ပုံမှန်ထက်ပိုများနေတတ်ပါတယ်။

စောစီးစွာမကုသလျှင် ဖြစ်လာနိုင်တဲ့ နောက်ဆက်တွဲဆိုးကျိုးတွေက 

(၁) ခြေထောက်လေးလံခြင်း၊ နာခြင်း၊ ကြွက်တက်ခြင်း

(၂) ပင့်ကူမျှင်သွေးကြောထုံး
(၃) ကောက်ကွေးကြီးမားသော သွေးကြောထုံး
(၄) ဖောရောင်ခြင်း
(၅) ခြေထောက်အညိုအမဲစွဲခြင်း
(၆) အနာကျက်သော ခြေထောက်အနာ
(၇) အနာမကျက်သော ဆိုးရွားသည့်သွေးပြန်ကြောအနာ 

ရောဂါခံစားနေရတာကို ဒီလိုနည်းနဲ့ စစ်ဆေးသိရှိနိုင်ပါတယ်

ဆရာဝန်ကိုသွားရောက်ပြသတဲ့အခါ ဆရာဝန်က ဘာရောဂါတွေခံစားခဲ့ရဖူးလဲဆိုတာကို စစ်ဆေးပါမယ်။ ဒီလိုစစ်ဆေးတာက နာတာရှည် ခြေထောက်သွေးပြန်ကြောရောဂါ CVI ရောဂါလက္ခဏာတွေကို ခံစားနေခဲ့ရတဲ့ ကာလအတိုင်းအတာကို သိရှိနိုင်စေဖို့ဖြစ်ပါတယ်။ နောက်တစ်ဆင့်အနေနဲ့ကတော့ ခြေထောက်ရောင်ရမ်းနေလား၊ အရေပြားအရောင်ပြောင်းနေလား၊ သွေးကြောထဲမှာ သွေးခဲတာမျိုးရှိလား ။ ခြေထောက်မှာ အနာတစ်ခုခုရှိလားဆိုတာတွေကို စစ်ဆေးပါလိမ့်မယ်။
Duplex ultrasound (အသံလှိုင်းသုံးရှာဖွေခြင်း)
သွေးပြန်ကြောတွင်းရှိသွေးများရဲ့ စီးဆင်းနှုန်း နဲ့ ဦးတည်ချက် ကို စမ်းသပ်ခြင်းဖြစ်ပါတယ်။ သွေးတွေက ဘက်မှားစီးဆင်းနေလားဆိုတာကို ဆန်းစစ်နိုင်စေဖို့အတွက် ဒီနည်းကို အသုံးပြုတာပါ။ ဒီစစ်ဆေးမှုက အသက်အန္တရာယ်ဖြစ်စေနိုင်တဲ့ အဆုတ်ထဲမှာသွေးခဲနေတာလိုမျိုးပြင်းထန်တဲ့ရောဂါအခြေအနေတွေကို စမ်းသပ်ဖော်ထုတ်ရာမှာ အသုံးပြုနိုင်ပါတယ်။
စစ်ဆေးမှုပြုလုပ်စဉ်အတွင်းမှာ ကျွမ်းကျင်ပညာရှင်က သင့်အရေပြား ပေါ်တွင် gel တစ်မျိုးသုတ်လိမ်းပါမယ်။ ပြီးရင်တော့သေးငယ်သော ကိရိယာလေးကို အရေပြားပေါ်ထောက်ပြီး စစ်ဆေးမှာဖြစ်ပါတယ်။ ဒီကိရိယာက အသံလှိုင်းတွေကိုအသုံးပြုပြီး သွေးစီးဆင်းမှု ပုံရိပ်တွေကို ကွန်ပျူတာပေါ်မှာ မြင်တွေ့စေမှာဖြစ်ပါတယ်။ စစ်ဆေးမှုလုပ်ဖို့ မိနစ် ၃၀ ကနေ တစ်နာရီလောက်အထိကြာမြင့်နိုင်ပါတယ်။ ပြီးရင်တော့ ပုံမှန်အတိုင်းလှုပ်ရှားမှုတွေလုပ်ဆောင်နိုင်မှာဖြစ်ပါတယ်။

အခြားစစ်ဆေးသိရှိနိုင်တဲ့နည်းလမ်းများ

Magnetic Resonance Venogram (ရေဒီယိုအသံလှိုင်းသုံး ပုံရိပ်ဖော်စစ်ဆေးခြင်း)
CT Venogram (X-rays နဲ့ ကွန်ပျူတာဆော့ဝဲလ်ကိုအသုံးပြုပြီး ပုံရိပ်ဖော်စစ်ဆေးခြင်း)

Venogram ( X-rays နဲ့ ပုံရိပ်ဖော်ဆေးရည်သုံး စစ်ဆေးခြင်း)

ဘယ်လိုသက်သာအောင်လုပ်မလဲ

CVI ကိုကုသရာမှာ လူနာတစ်ယောက်နဲ့တစ်ယောက် ကုသမှုပုံစံချင်းကွဲပြားနိုင်ပါတယ်။ ကုထုံးတော်တေ်ာများများကတော့ ရောင်ရမ်းမှုကို လျော့သွားစေဖို့နဲ့ သွေးစီးဆင်းမှုပုံမှန်ဖြစ်လာစေဖို့ ရည်ရွယ်တာပါ။
နာတာရှည် ခြေထောက်သွေးပြန်ကြောရောဂါ (CVI) ခံစားနေရ သူတွေအနေနဲ့ နေ့စဉ်ဘဝနေထိုင်မှုပုံစံကို အနည်းငယ်ပြောင်း လဲပေးဖို့လိုပါမယ်။ ခြေထောက်ကို ခပ်မြင့်မြင့်လေးထားပေး တာက ဝေဒနာခံစားရသူတော်တေ်ာများများမှာ ရောင်ရမ်းမှုကို လျော့ပါးသက်သာစေပြီး ခြေထောက်ရဲ့ သွေးလည်ပတ်မှုကို ကောင်းမွန်စေနိုင်ပါတယ်။ မကြာခဏဆိုသလို ကိုယ်လက်လှုပ်ရှားမှုတွေ လုပ်ပေးတာ ကလည်း သွေးလည်ပတ်မှုကောင်းစေဖို့ အထောက်အကူဖြစ်ပါတယ်။
ဒီဝေဒနာကမြန်မြန်ကုသနိုင်လေလေ ထိခိုက်မှုနည်းပြီး ထိရောက်မှု ရှိလေလေပါ။ ဒါကြောင့် မြင်သာတဲ့လက္ခဏာတွေတွေ့မြင်ရပြီဆိုတာနဲ့ တတ်သိ နားလည်တဲ့သူတွေနဲ့ပြသပြီး ထိရောက်တဲ့ ကုသမှုခံယူဖို့ပြောပါရစေ။
 ( ရေးသားသူ Aye Thi Mon ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win)