ဆီးချိုသမားတွေအတွက် ကောင်းတဲ့ ကျွဲကောသီး

-ဆီးချိုသမားတွေအတွက်ကတော့ ကျွဲကောသီးဟာ သွေးတွင်း အချိုဓါတ်ကို ကူညီလျှော့ချပေးနိုင်တဲ့ အသီးပါ။ 
 -အစားစားချင်စိတ်ကို လျော့နည်းစေတဲ့ အင်ဆူလင်ထုတ်လွှတ်မှုကိုလည်း လျှော့ချပေးပါတယ်။ -အစားစားချင်စိတ် ဖြစ်ပေါ်လာတဲ့ အခါမှာလည်း ကစီဓါတ် စားချင်စိတ်ကို လျော့နည်းစေလို့ သွေးတွင်း အချိုဓါတ်ဖြစ်ပေါ်မှုကို လျော့ပါးစေပါတယ်။ ဒါကြောင့်ပဲ ဝတဲ့သူတွေအတွက်လည်း ကျွဲကောသီးက ဝိတ်ကျဖို့ အထောက်အကူပြုစေပါတယ်။ -သွေးတွင်းအချိုဓါတ်ကို လျှော့ချပေးတဲ့အပြင် သွေးတွင်း ကိုလက်စထရော (Cholesterol) ကို လျှော့ချပေးလို့ သွေးတိုးနဲ့ နှလုံးနဲ့ ပတ်သက်တဲ့ရောဂါတွေဖြစ်ပွားနိုင်မှုကို နိမ့်ကျစေပါတယ်။ -ကျွဲကောသီးမှာပါဝင်တဲ့ Vitamin C နဲ့ Potassium က ကိုယ်ခန္ဓာတွင်းရှိမကောင်းတဲ့ ဓါတ်တွေကို ဆီးအဖြစ် စွန့်ထုတ်ရာမှာလည်း အကူအညီပေးပါတယ်။ -ဆီးချိုသမားတွေဖြစ်လေ့ရှိတဲ့ နာဗ်ကြောနဲ့ ဆိုင်တဲ့ပြဿနာတွေကိုလည်း ကျွဲကောသီးက ကူညီပေးနိုင်ပါတယ်။ ကျွဲကောသီးမှာပါတဲ့ potassium က ကြွက်သားတွေကို တင်းတင်းရင်းရင်းဖြစ်စေလို့ ဆီးချိုကြောင့်ဖြစ်တဲ့ ခန္ဓာကိုယ်တွဲကျတာတွေကို လျော့နည်းစေပါတယ်။ -ကျွဲကောသီးမှာပါဝင်တဲ့ Flavonoids ဓါတ်ကလည်း ပန်ကရိယာ၊ ရင်သား၊ အူစတဲ့နေရာတွေမှာ ကင်ဆာဆဲလ်နဲ့ အကျိတ်တွေ မဖြစ်စေဖို့ ကူညီပေးပါတယ်။ 
-ဆီးချိုရှိတဲ့သူတွေဟာ ချူချာကြပါတယ်။ဘာလို့လဲဆိုတော့ သူ့တို့ရဲ့ခန္ဓာကိုယ်ဟာ လိုအပ်တဲ့ အာဟာရဓါတ်တွေကို သေသေချာချာမစုပ်ယူနိုင်တဲ့အတွက်ပါ။ ဒီပြဿနာအတွက်လည်း ကျွဲကောသီးက ကိုယ်ခံအားကို ဖြည့်တင်းပေးခြင်းဖြင့် ဖြေရှင်းပေးပါတယ်။ - ၄င်းတွင် vit C များစွာ ပါဝင်သော ကြောင့် -ကိုယ်ဝန်ဆောင်ကာလဆီးလမ်း ကြောင်းရောင်ရမ်းမှုကို ကာကွယ် ပေးသည်။ 
-အနာကျက်ခြင်းကို အားပေးသည်။ 
-သွားနှင့်သွားဖုံးများ၏ကျန်းမာရေး ကိုကောင်းစေသည်။ -ပါဝင်သောvitc C မှ သံဓာတ်စုပ် ယူမှုကို ကောင်းစေသဖြင့် သွေး အားနည်းမှုကို ကာကွယ်ပေးသည်။ 
-ပဋိပစ္စည်း Antibody နှင့် ကိုယ်ခံ အားစနစ် immunesystem ကို လှုံ့ ဆော်သဖြင့် အအေးမိခြင်းနှင့်တုပ် ကွေးကို ကာကွယ်ပေးသည်။ -Potassiuum ကြွယ်ဝစွာပါဝင် သောကြောင့် သွေးပေါင်ကိုကျစေသည်။ အရိုးပွမှုကို ကာကွယ်ပေးသည်။ ကြွက်တက်ခြင်းကိုလည်း ကာကွယ် ပေးသည်။ 
-Fibre များစွာပါဝင်မှုကြောင့် ဝမ်းကို မှန်စေပြီး လိပ်ခေါင်းရော ဂါကို ကာကွယ်ပေးသည်။ 
-Colon cancer အူမကြီးကင်ဆာ ကို ကာကွယ်ပေးသည်။ 
-weight ကို ကျစေသည်။ Ref: allaboutdiabetes (by win win kyi fb)

|| လေးဖက်နာရောဂါအကြောင်း ( ပါမောက္ခဦးချစ်စိုး ) ||

နာတာရှည်ရောဂါအမျိုးအစားများတွင် တစ်ခုအပါအ၀င်ဖြစ်ပြီး ရောဂါအမျိုးအစား များလှသောကို သိရှိနိုင်စေရန်နှင့် ဂရုပြုနိုင်ရန် အတွက် ရန်ကုန်ကုတင် ၅၀၀ ဆေးရုံကြီး အရိုးအကြော၊ အဆစ် ဆေးပညာဌာနမှ င့် သွားရောက်မေးမြန်း ဖြစ်ခဲ့ပါသည်။

 မေး။ ။ လေးဖက်နာရောဂါဆိုတာ ဘယ်လိုရောဂါမျိုးပါလဲ ဆရာ။
 ဖြေ။ ။ လေးဖက်နာဆိုတာက ဒူးခေါင်းတို့၊ တံတောင်ဆစ်တို့လို အဆစ်ကလေးတွေ နာကျင်ရောင်ရမ်းရာကနေ ဖြစ်တယ်ပေါ့။ ဥပမာအားဖြင့် အရိုး ၂ ခုကို ဆိုင်းထားတဲ့အရွတ်ဆိုတာ ရှိတယ်။ အဲ့ဒီ့မှာ အရိုးနုလေးတွေလည်း ခံထားတယ်။ သူက ကွေးလိုက်ရင် ဖောင်းလာတယ်။ ဆန့်လိုက်ရင်တော့ ဖောင်းတာ ပြေလျော့သွားတယ်ပေါ့။ အဓိကတော့ ခန္ဓာကိုယ်ရဲ့ အလေးချိန်ကို ထိန်းထားပေးတယ်ပေါ့။ နောက်တစ်ခုက အရိုးမှာ လှုပ်ရှားမှုကောင်းစေဖို့ အဆစ်ဆီလေးတွေလည်း ပါဝင်နေတယ်။ ဒီအဆစ်ဆီလေးတွေက ဒီအတိုင်းပဲဆိုရင် ထွက်ကျလာနိုင်တယ်လေ။ ဒါကြောင့် ထွက်မကျလာနိုင်လို့ ဒါကို လုံအောင်လို့ အဆစ်ဖုံးမြှေးလေးက ဖုံးအုပ်ပေးထားတယ်။ အဆစ်ဆိုတဲ့သဘောမှာ အရိုးပါမယ်။ အရိုးနုပါမယ်။ အရွတ်ပါမယ်။ အဆစ်ဖုံးမြှေးလေးတွေ ပါမယ်ပေါ့။ အဲ့ဒီထဲမှာမှ အဓိက,ကတော့ အဆစ်ဖုံးမြှေး ရောင်ရမ်းတာက လေးဖက်နာရောဂါ ဖြစ်ပွားရခြင်းပါပဲ။

 မေး။ ။ အဆစ်ဖုံးမြှေးက ဘာကြောင့်ရောင်ရတာလဲရှင့်။ လေးဖက်နာရောဂါ အမျိုးအစားတွေကရော ဘယ်နှမျိုးလောက် ရှိပါသလဲရှင့်။
ဖြေ။ ။ အဆစ်ဖုံးမြှေး ရောင်တာကတော့ အမျိုးမျိုး ရှိနိုင်တာပေါ့။ ကလေးငယ်တွေ အသက် ၂၀ အောက်တွေမှာ အစားစားသုံးမှုကြောင့်ဖြစ်တဲ့ အာသီးရောင်တာ ဖြစ်တတ်တယ်။ အာသီးရောင်တာက ပိုးကြောင့်ဖြစ်ပြီး အာသီးရောင်ပိုးက ခန္ဓာကိုယ်ထဲ ၀င်တဲ့အခါ ခန္ဓာကိုယ်မှာရှိတဲ့ အပြင်က၀င်လာတဲ့ပိုးကို တိုက်ထုတ်တဲ့ ခုခံအားစနစ်လေးတွေက ပြန်တိုက်ထုတ်ကြတဲ့အခါ တိုက်ထုတ်ရင်းနဲ့ အဲ့ဒီ့အပြင်က၀င်လာတဲ့ ပိုးလေးကိုသာမကပဲ အဆစ်ကိုပါ သွားထိခိုက်မိတဲ့အခါကျတော့ အဆစ်တွေ ရောင်လာပြီး နာကျင်လာတာပါ။ ဒီလိုအာသီးရောင်ပိုးကနေတစ်ဆင့် ဖြစ်ပွားတဲ့လေးဖက်နာကို ပိုးလေးဖက်နာလို့ ခေါ်ပါတယ်။ လေးဖက်နာအမျိုးအစားတွေကတော့ အများကြီး ရှိပါတယ်။ အဖြစ်များတာကတော့ (၁၀) မျိုးလောက် ရှိပါတယ်။ အဲ့ဒီ့အထဲမှာ အများဆုံး တွေ့ရ၊ ကုသရတာတွေကတော့ ပိုးလေးဖက်နာ၊ သွေးလေးဖက်နာနဲ့ အရေပြားလေးဖက်နာတွေပါ။ အဲ့ဒီ့လေးဖက်နာအမျိုးအစားတွေ အကုန်လုံးက ခန္ဓာကိုယ်ရဲ့ သက်ဆိုင်ရာနေရာအလိုက် ဖြစ်ပွားတယ်။ လေးဖက်နာဖြစ်ရင် သေချာတာတော့ ဘယ်လေးဖက်နာအမျိုးအစားမဆို အဆစ်အမြစ်တွေရောင်ပြီး နာကျင်တာက အတူတူပဲ ဖြစ်ပါတယ်။

 မေး။ ။ အဖြစ်များတဲ့ လေးဖက်နာအမျိုးအစားတွေအကြောင်းနဲ့ ကုသမှုအခြေအနေလေးတွေ သိပါရစေရှင့်။ 
 ဖြေ။ ။ အဖြစ်များတဲ့ လေးဖက်နာဆိုတာကလည်း ဘယ်နေရာကနေ ကြည့်သလဲအပေါ် မူတည်ပါတယ်။ လမ်းပေါ်က ကြည့်တာလား၊ ဆေးရုံက ကြည့်တာလား၊ ကုတင်ပေါ်က ကြည့်တာလား တစ်ခုနဲ့တစ်ခု မတူကြဘူးပေါ့။ လမ်းပေါ်က ကြည့်မယ်ဆိုရင်တော့ အစား အသောက်ကြောင့် ဖြစ်ပွားမှုဖြစ်တဲ့ ပိုးလေးဖက်နာကတော့ ပြည်သူလူ ထုတွေထဲမှာ အဖြစ်အများဆုံး ဖြစ်ပါတယ်။ ပိုးလေးဖက်နာ ဖြစ်ရင်တော့ Penicllin ထိုးလိုက်ရင် ပျောက်သွားပါတယ်။ ဆေးရုံမှာ ပြင်ပလူနာအနေနဲ့ လာရောက်ပြသမှု အများဆုံးကတော့ သွေးလေးဖက်နာရောဂါကို လာပြကြတဲ့သူ များပါတယ်။ သူက အများအားဖြင့် အရပ်ထဲမှာ ကုလို့လည်း မပျောက်ကင်းလို့ စဖြစ်ကာစကနေ (၁) လက (၆) လအထိကြာမှ နာတယ်ဆိုပြီး ဆေးရုံကို လာပြကြတာ များပါတယ်။ သူကတော့ ဆေးရုံရောက်ရင် သင့်တော်တဲ့ ဆေးပေးလိုက်တဲ့အခါ သက်သာသွားကြပါတယ်။ သွေးလေးဖက်နာကတော့ အများအားဖြင့် နာတာရှည်ဖြစ်တဲ့ အမျိုးအစားပါ။ ဒါကတော့ ဆေးရုံကအနေနဲ့ကြည့်ရင် သွေးလေးဖက်နာ များပါတယ်။ ကုတင်ပေါ်က ကြည့်တယ်ဆိုတာက အတွင်းလူနာတွေ အနေနဲ့ပါ။ အတွင်းလူနာတွေအနေနဲ့ ဆိုရင်တော့ အရေပြားလေးဖက်နာက များတယ်ပေါ့။ အရေပြားလေးဖက်နာမှာက သူကဖြစ်ရင် အရေပြားလည်း ထိတယ်။ အဆစ်လည်း ထိတယ်။ နောက် ကျောက်ကပ်တို့၊ အဆုတ်တို့ကိုပါ ထိခိုက်နိုင်ပါတယ်။ အဲ့ဒီ့အတွက်ကြောင့် သူက ဖြစ်ပြီဆိုတာနဲ့ ဆေးရုံတက်ရတာ များပါတယ်။ အခု ဆရာတို့ဆေးရုံမှာ လူနာတွေအတွက် ကုတင် (၅၀) လောက် ရှိတယ်။ ဆေးရုံတက်တဲ့ လူနာက ကြားခုံတွေ၊ ဘာတွေနဲ့ဆိုရင် စုစုပေါင်း လူနာ (၆၀) လောက် ရှိတယ်။ အဲ့ဒီ့လူနာ (၆၀) မှာ (၅၀) က အရေပြားလေးဖက်နာ များပါတယ်။ သူကတော့ ဖြစ်ပွားရင် အချိန်ယူ ကုသရပါတယ်။ အရေပြားလေးဖက်နာ ဖြစ်ပွားလို့ ထိခိုက်တဲ့နေရာတွေ အကုန်လုံးအလိုက် ကုသရခြင်း ဖြစ်ပါတယ်။ ဒါကြောင့် လေးဖက်နာတစ်ခုနှင့်တစ်ခုက ဆေးပေးပုံခြင်း၊ ကုသပုံခြင်း မတူညီဘဲ ရောဂါဖြစ်ပွားမှုအလိုက် ကုသရခြင်း ဖြစ်ပါတယ်။ အချို့လေးဖက်နာဝေဒနာရှင်တွေက လေးဖက်နာဖြစ်ရင် Penicllin ထိုးပေးရမယ် ထင်တတ်ကြပါတယ်။ အမှန်တော့ မဟုတ်ပါဘူး။ အချို့က Penicllin နဲ့ တည့်တဲ့လေးဖက်နာရှိသလို အချို့ကတော့ ဆေးထိုးလိုက်မှပဲ အာနိသင် မပြတာတွေ၊ ပိုဆိုးဝါးသွားတာတွေလည်း ရှိနိုင်တော့ ဆေးပေးပုံခြင်းနဲ့ ကုထုံးခြင်းက တစ်ခုနဲ့တစ်ခု မတူကြပါဘူး။

 မေး။ ။ လေးဖက်နာအမျိုးအစားတွေက တစ်ခုနှင့်တစ်ခု ဆက်စပ်မှုရှိပါသလား။
 ဖြေ။ ။ တစ်ခုနဲ့တစ်ခုက မဆက်စပ်ပါဘူး။ ဒါပေမဲ့ လူနာကတော့ မသိဘဲ တစ်ဆင့်ပြီးတစ်ဆင့် ကုကြတာပေါ့။ ကုတာကလည်း Penicllin နဲ့ ကုတာ နဂိုကတည်းက လေးဖက်နာဖြစ်ပြီဆိုရင် အလွယ်တကူ penicillin ထိုးလိုက်ကြတယ်။ ဒါက ပိုးလေးဖက်နာလူနာတွေပဲ အများအားဖြင့် သက်သာပျောက်ကင်းသွားတာ တွေ့ရတယ်။ သွေးလေးဖက်နာဆိုရင် penicillin ထိုးရင် (၆) လ
ထိုးလည်း မသက်သာဘူး။ အဲ့ဒါက ပိုးလေးဖက်နာကနေ သွေးလေးဖက်နာ ဖြစ်သွားတာလည်း မဟုတ်ဘူး။ နဂိုကတည်းက သွေးလေးဖက်နာပဲ။ သူ့ကုထုံးကို သူ မရတဲ့အခါမှာ မပျောက်ကင်းဘူး ဖြစ်နေတာပါ။ ဆေးရုံရောက်လာလို့ ဆရာတို့က ဆေးပေးလိုက်တဲ့အခါ သက်သာသွားကြတယ်။ ဒီအတိုင်းပဲ အရေပြားလေးဖက်နာဆိုတာလည်း သွေးလေးဖက်နာကနေ ဖြစ်တာမဟုတ်ဘူး။ နဂိုကတည်းက အရေပြားလေးဖက်နာပဲ။ ရောဂါစဖြစ်ရင်တော့ အဆစ်ကလေးက ဟိုနေရာနာ၊ ဒီနေရာနာနဲ့ အရေပြားမှာ အကွက်လေး (၁) စက်၊ (၂) စက်လောက် ပေါ်ရင်တောင် သတိမထားမိဘူး။ အဆစ်နာတော့ penicillin လေး ထိုးပြီး နေတယ်။ ကျောက်ကပ်ဖြစ်လို့ ဖောရောင်လာတော့မှ ဆေးရုံရောက်လာကြတယ်။ အဲ့ဒီတော့မှ ကုထုံးအလိုက် ကုသကြတာ များပါတယ်။

 မေး။ ။ လေးဖက်နာရောဂါ မဖြစ်ပွားအောင် ဘယ်လိုကာကွယ်နေထိုင်သင့်ကြောင်း ပြောပြပေးပါဦးဆရာ။ 
 ဖြေ။ ။ အဓိကတော့ စားသောက်တဲ့အခါ အစားအစာက ကျန်းမာရေးနဲ့ ညီညွတ်ရင် မဖြစ်ဖူးပေါ့နော်။ ယင်နားစာတွေ၊ ဖုန်ကပ်နေတဲ့ အစာတွေ၊ မသန့်ရှင်းတဲ့အစာတွေကို စားတဲ့အခါ အာသီးရောင်တာ ဖြစ်နိုင်ပါတယ်။ အများအားဖြင့် ကျောင်းနေစအရွယ်တွေက မုန့်ဈေးတန်းကနေ အစားအသောက်တွေ ၀ယ်ယူစားသုံးတဲ့အခါ သန့်ရှင်းနေစေဖို့ လိုအပ်ပါတယ်။ အာသီးရောင်တာကနေတစ်ဆင့် ပိုးလေးဖက်နာ ဖြစ်သွားနိုင်ပါတယ်။ သန့်ရှင်းမှု အားနည်းရာကနေ အဖြစ်များကြပါတယ်။ သွေးလေးဖက်နာတို့၊ အရေပြားလေးဖက်နာတို့ကတော့ လူတွေက အနေအထိုင်၊ အစားအသောက်ပုံစံ ပြောင်းလဲလာရာကနေ စတာပါ။ လူတွေက အရင်ကဆို သဘာဝအသီးအနှံတွေ စားကြတာ များတယ်။ အခုခေတ်မှာတော့ ကုန်တိုက်တွေ ပေါ်လာပြီးတော့မှ ကုန်တိုက်က ready made အသင့်စား အစားအစာတွေကို စားလာကြတယ်။ အချို့ကဆို စိပ်ပြီးသား ဆေးဆိုးထားတဲ့ သရက်သီးစိပ်တွေ၊ ကြာရှည်ခံအောင် ယိုထိုးထားတဲ့ဟာတွေ စားတယ်။ အရင်ကဆို ကြက်သား၊ ၀က်သားစားရင် ဈေးက၀ယ်ပြီး လတ်လတ်ဆတ်ဆတ် ချက်စားလိုက်ပေမယ့် အခုဆိုရင် အေးခဲထားတဲ့အသားတွေ၊ ပိုပြီးလှအောင် အရောင်တွေဆိုးထားတဲ့ အကင်တွေ စားတဲ့အခါမှာ သူတို့က ဓာတုပစ္စည်းတွေ ပါတယ်။ အအေးတွေဆိုရင်လည်း အရင်က မန်ကျည်းဖျော်ရည်၊ သံပုရာရည် သောက်ကြပေမယ့် အခုဆို ready made အချိုရည်ဘူးတွေ သောက်တယ်။ ဘူးတွေမှာက လူတွေ ပိုသောက်ဖြစ်အောင် အရောင်တွေ ဆိုးထားတယ်။ တချို့တွေဆိုရင် သောက်ပြီး လျှာထဲမှာ နီကျန်ခဲ့တယ်။ ဆိုးဆေးတွေက ပစ္စည်းတွေတိုင်းမှာ မရှိသလောက်ပါပဲ။ လက်ဖက်ဆိုလည်း ဆိုးဆေးပါတယ်။ ပုစွန်ခြောက်ဆိုလည်း နီအောင်လုပ်ထားတဲ့ ဆေးတွေပါတယ်။ အမှန်တော့ ဒါတွေက ဓာတုပစ္စည်းတွေပါ။ ဒီဓာတုဆေးတွေ ခန္ဓာကိုယ်ထဲ ၀င်သွားတဲ့အခါမှာ ခန္ဓာကိုယ်ရဲ့ သွေးဖြူဥတွေကို သွားလှုံဆော်တယ်။ လှုံဆော်တဲ့အခါမှာ သွေးဖြူဥတွေက အငြိမ်မနေနိုင်ဘဲ ခုခံဓာတ်တွေ ထွက်လာတဲ့အခါ အဆစ်ကို သွားဒုက္ခပေးတတ်တာပါ။ အဲ့ဒီတော့ အရေပြားလေးဖက်နာနဲ့ သွေးလေးဖက်နာဆိုတာ ပိုးကြောင့်မဟုတ်ဘဲ ဓာတုပစ္စည်းတွေကြောင့် ဖြစ်တာပါ။ ဒါကြောင့် သဘာဝအတိုင်းမဟုတ်တဲ့ တာရှည်ခံဆေးတွေ၊ ယမ်းစိမ်းတွေ၊ ဖော်မလင်တွေ ထည့်ထားတဲ့ပစ္စည်းတွေကို အတတ်နိုင်ဆုံး ရှောင်ကြဉ်ပြီး စားသုံးဖို့ လိုအပ်ပါတယ်။ ဟင်းသီးဟင်းရွက်ဆိုရင်လည်း ဓာတုပိုးသတ်ဆေး အကြွင်းအကျန်တွေ ကျန်ရှိနေတတ်လို့ နာရီဝက်၊ ၁ နာရီလောက် ရေစိမ်ပြီး ရေသေချာဆေးပြီးမှ စားသုံးသင့်ပါတယ်။

 မေး။ ။ လေးဖက်နာရောဂါနဲ့ ပတ်သက်ပြီး ဆရာ့အနေနဲ့ ပြောလိုတာလေး ပြောပေးပါဦးရှင့်။ 
 ဖြေ။ ။ အဆစ်တွေရောင်တိုင်း လေးဖက်နာ မဟုတ်ပေမယ့် လေးဖက်နာဖြစ်ရတဲ့ အကြောင်းအရင်း အမျိုးမျိုးရှိတယ်။ အတိအကျခွဲရင်တော့ အကြောင်းအရင်းက (၁၀) မျိုးလောက် ရှိပါတယ်။ တစ်ခုနဲ့တစ်ခု မတူကြသလို တစ်ခုနဲ့တစ်ခု ကုထုံးတွေကလည်း မတူညီကြပါဘူး။ လေးဖက်နာအတွက် အရင်တုန်းကဆို စစ်ဆေးမှုတွေ မရှိဘူး။ အခုနောက်ပိုင်းမှာတော့ ဘယ်လိုလေးဖက်နာ ဖြစ်ပွားလဲဆိုတာမျိုးတွေနဲ့ ဘယ်ခုခံအားက မကောင်းလို့ ဖြစ်ရလဲဆိုတာတွေကို ဓာတ်ခွဲခန်းမှာ စစ်ဆေးနိုင်နေပါပြီ။ ခုခံအား မကောင်းဘူး၊ ခုခံအား စံလွဲတယ်ဆိုတဲ့နေရာမှာ တချို့ ခုခံဓာတ်တွေက အဆုတ်ကို ဒုက္ခပေးတဲ့ ခုခံဓာတ်ရှိတယ်။ အချို့က အရေပြားကို ဒုက္ခပေးတာ ရှိတယ်။ အချို့က ကျောက်ကပ်ကို ဒုက္ခပေးတာ ရှိတယ်။ အချို့ကတော့ ဦးနှောက်ကို ဒုက္ခပေးတာ ရှိတယ်။ ဒါပေမဲ့ အဲ့ဒီ့ခုခံဓာတ်တွေက ခုနက ကိုယ်တွင်းအင်္ဂါတွေကို ဒုက္ခပေးရင်းနဲ့ ကျွဲကူးရေပါဆိုသလိုမျိုးပဲ အဆစ်ဖုံးမြှေးတွေကို သွားပြီးဒုက္ခပေးတယ်။ အဆစ်ဖုံးမြှေးက ဘုံလိုဖြစ်နေတော့ အဆုတ်ရော၊ ကျောက်ကပ်ရော၊ ဦးနှောက်ရော ဒုက္ခပေးတဲ့ ခုခံအားစနစ် ချို့ယွင်းမှုတွေက အဆစ်ဖုံးမြှေးကိုပါ အကုန်အတူတူ ဒုက္ခပေးတဲ့အတွက် အဆစ်နာတာက အတူတူပဲ ဖြစ်ပေါ်နေတယ်။ ဒီတော့ လေးဖက်နာက ဘုံဖြစ်နေပြီးတော့မှ အရေပြားလေးဖက်နာ၊ သွေးလေးဖက်နာ၊ အဆစ်ရောင် အရေပြားလေးဖက်နာ၊ အရေပြားတုလေးဖက်နာ၊ တုန့်ပြန်လေးဖက်နာ၊ ပိုးလေးဖက်နာ အများကြီးပဲ ဖြစ်တာပါ။ လေးဖက်နာတိုင်းကို penicillin ထိုးလို့ မရဘူးဆိုတာတော့ သဘောပေါက်ဖို့ လိုပါတယ်။ ပြည်သူလူထုကြားမှာတော့ သိပ်သဘောမပေါက်ဘူး။ ရှေးရိုးအစဉ်အလာအတိုင်းပဲ အဆစ်တွေ နာတယ်ဆိုရင် penicillin ထိုးရင် ပျောက်တယ်ပဲထင်တယ်။ ဒါပေမဲ့ အဆစ်နာရင် Penicillin ထိုးရင် ပျောက်တာက ၅ ပုံ ၁ ပုံလောက်ကတော့ မှန်တာပေါ့။ ၅ ပုံ ၄ ပုံလောက်ကတော့ Penicillin နဲ့ မဆိုင်တဲ့ တခြားလေးဖက်နာတွေ ဖြစ်တတ်တယ်။ အဲ့ဒါတွေက ကျွမ်းကျင်တဲ့ဆရာဝန်တွေနဲ့ ပြပြီးတော့မှ သွေးတွေဘာတွေ စစ်ကြည့်ပြီး သက်ဆိုင်တဲ့ ကုသမှုအလိုက် ကုသသင့်ပါတယ်။ တချို့ကုထုံးတွေက သွေးဖြူဥတွေ ငြိမ်အောင်လုပ်တဲ့ဆေးတွေ ရှိတယ်။ တချို့ကုထုံးတွေကျတော့ ခန္ဓာကိုယ်မှာရှိတဲ့ များနေတဲ့ဓာတ်တွေကို လျှော့ပေးတဲ့ကုထုံးတွေ ရှိတယ်။ အဲ့ဒီတော့ သေချာကုသဖို့ပဲ လိုအပ်ပါတယ်" ဟု ရန်ကုန်ကုတင် ၅၀၀ ဆေးရုံကြီး အရိုးအကြော၊ အဆစ် ဆေးပညာဌာနမှ ပါမောက္ခ ဒေါက်တာဦးချစ်စိုးက ပြောကြားခဲ့သည်။ May Su Hlaing (By Win Win Kyi fb)

|| ဆီးကျောက်တည်ခြင်း ||

ဆီးကျောက်တည်ခြင်းကို ကာကွယ် လို့ရတဲ့ ရောဂါ တစ်ခုလို့ ပြောရင် တစ်ဝက်တော့ မှန်ပါတယ်။ Uolithiasis (Renal Stones) လို့ခေါ်တဲ့ ဆီးကျောက်တည် ရောဂါ ဖြစ်ပွား ရတဲ့ အကြောင်း ရင်းတွေကို လေ့လာ ကြည့်တဲ့ အခါ အဓိက အုပ်စု ကြီးနှစ်ခုရှိပါတယ်။

ပထမ အုပ်စုကတော့ ခန္ဓာကိုယ်တွင်းမှာ ရှိတဲ့ ရောဂါ တစ်ခုခုကြောင့် ဆီးကျောက်တည် ခြင်းဖြစ်ပါတယ်။

ဥပမာ Parathyroid လို့ ခေါ်တဲ့ ဂလင်းက အလုပ်တွေ ပိုလုပ်လို့ သွေးထဲမှာ Calcium လို့ ခေါ်တဲ့ ထုံးဓာတ်တွေ များလာ ပြီး ကျောက်တည် တာမျိုးပေါ့။ ဒါမျိုးကိုတော့ သက်ဆိုင်ရာ ဆရာဝန်နဲ့ သမားတော် များက ရောဂါ ရှာဖွေပြီး ကုသ ရမှာဖြစ်ပါတယ်။ ဒါမျိုး ကိုတော့ ကြိုတင် ကာကွယ်ဖို့ မလွယ်ကူပါဘူး။

ဒုတိယ အုပ်စုကတော့ နဂိုဘာရောဂါမှ မရှိဘဲ အနေအထိုင် အစား အသောက် မှားယွင်း နေလို့ ဆီးကျောက်တည် ရောဂါ ဖြစ်ပွား ရခြင်း ဖြစ်ပါတယ်။ ပထမ ဆုံးနဲ့ အရေး အကြီးဆုံး ပြောချင်တဲ့ အချက် ကတော့ ရေများ များသောက် ဖို့ပဲ ဖြစ်ပါတယ်။ ရေများများ သောက်ရင် ဆီးများများ သွားပြီး ဆီး အနည်ငယ် ကျတာ မဖြစ်တော့ တဲ့အတွက် ကျောက် တည်ဖို့  အလားအလာ အလွန်နည်းမှာ ဖြစ်ပါတယ်။

သာမန်လူ တစ်ယောက် အတွက် တစ်နေ့ ၃ လီတာလောက် သောက်သင့် ပါတယ်။ မနက်မိုး လင်းအိပ်ရာ ထချိန် ကနေ စပြီး နှစ်နာရီ သုံးနာရီ ခြား တစ်ခါ တစ်ဖန်ခွက်စီ သောက်ပေးရင်ဘာမှ အပန်းမကြီးဘဲ အကျိုး အများကြီး ရနိုင်ပါတယ်။

ဆီးကျောက်တည် ရောဂါ ဖြစ်တဲ့ သူတွေကို လေ့လာတဲ့ အခါမှာ ရေသောက် တဲ့ အလေ့အထ နည်းတာတွေ့ရပါတယ်။ အထူးသဖြင့် နွေရာသီ လိုအခါ မျိုး မှာ ချွေးထွက် များတဲ့အတွက် ရေပို သောက်သင့်ပါ တယ်။ ရေသောက် နည်းရင် ဆီးက နည်းလာ ဖြစ်မယ်။ အဲဒီ အခါမှာ ဆီး မှာ ပါဝင်နေ တဲ့ ပစ္စည်းတွေဖြစ်တဲ့ Calcium တို့ Oxalate လို Phosphate စသည့် သတ္တု ဓာတ် တွေဟာ ဆက်လက် ပျော်ဝင်နိုင်ခြင်း မရှိလို့ အနည်းကျ လာပါမယ်။ အဲဒီ အနည်ကနေ တစ် ဆင့် တဖြည်းဖြည်း စုစည်းလာမယ်။ မာလာမယ်။ ပြီးတော့ ဆီးကျောက် အဖြစ် ပြောင်းသွားပါ မယ်။

ရိုးရိုး သောက်ရေဟာ များများသောက်ဖို့ အတွက် အကောင်းဆုံးဖြစ် ပါတယ်။ သောက် ရေဆိုတာ သောက်ရေသန့် ဖြစ်စေ၊ ကျိုချက်ထား တဲ့ရေဖြစ် စေကောင်းပါတယ်။

အချို့တောင်ပေါ်ဒေသ တွေမှာ ရှိတဲ့ တွင်း ရေတွေမှာ Calcium လို့ခေါ်တဲ့ ထုံးဓာတ်တွေ အလွန် များပြားစွာ ပါတဲ့ အတွက် ဒီလိုရေမျိုးကို အစိမ်း မသောက်သင့် ပါဘူး။ ဒီရေကို ကျိုချက် လိုက်ရင် ပျော်ဝင်နေတဲ့ ထုံးဓာတ်တွေ ဟာ အောက်ကို အနည် ကျလာမှာ ဖြစ်ပါတယ်။ ဒါကို အအေး ခံ၊ ရေစစ်နဲ့ စစ်ပြီး သောက်ရင် ကောင်း ပါတယ်။ ဘယ်ဒေသ က ရေ မဆို အစိမ်းမသောက် ဘဲ ကျိုချက် သောက်ခြင်းဟာ ကျန်းမာရေး အတွက် အကောင်းဆုံး ဖြစ်ပါ တယ်။

နောက်တစ်ခုက ဖျော်ရည်တွေပါ။ သဘာဝ သစ်သီး ဖျော်ရည် တွေဖြစ် တဲ့ သံပရာရည်တို့၊ နာနတ်ရည်တို့၊ သင်္ဘော သီးဖျော်ရည်တို့၊ ဖရဲသီး ဖျော်ရည် တို့ဟာ အင်မတန် ကောင်းပါတယ်။ ပြောစရာရှိတာက ဒီဖျော် ရည်တွေသောက် ရင် သကြားမထည့်ဘဲ ဒီ အတိုင်းသောက်ရင် အကောင်း ဆုံးဖြစ်ပါတယ်။ အချိုကြိုက်လို့ ထည့် ချင်ရင်တောင် အတတ်နိုင် ဆုံး အနည်းဆုံးသာ ထည့်သင့် ပါတယ်။ သကြားများများ စားရင် သွေး ချို၊ ဆီးချိုရောဂါဖြစ်နိုင်တဲ့ အပြင် ဆီးကျောက်တည် ခြင်း ကိုပါ ဖြစ်စေနိုင် လို့ပဲ ဖြစ်ပါတယ်။

နောက်တစ်ခု ကတော့ သဘာဝနည်းနဲ့ မဟုတ်ဘဲ ပြုလုပ်ထားတဲ့ အချိုရည်တွေ ၊ အဲဒီ အချိုရည် အများစု ဟာ Refined Sugar လို့ခေါ် တဲ့ Glucose တို့ Sucrose တို့နဲ့ ရေဖျော်ထား တာဖြစ်ပြီး အရောင် အနံ့ကိုတော့ Chemical တွေနဲ့ ပြုလုပ် ထားလေ့ ရှိပါတယ်။ ဒီအချိုရည် တွေမှာ NaHCO3 (ဆိုဒီယမ် ဘိုင် ကာဗွန်နိတ်) လို့ခေါ်တဲ့ ဆိုဒါတွေ ပါမယ်။ ကြာကြာခံအောင် Preservative တွေထည့်ထားမယ်။ အဆိုးဆုံးက Phosphoric Acid တွေ ဖြစ်ပြီး ဒါတွေ အားလုံးဟာ ဆီးကျောက်တည်ခြင်း ကို အားပေးပါတယ်။ အချိုရည်သောက်တိုင်း သောက်တိုင်း ဆီးထဲမှာ ပါတဲ့ Calcium တွေ Oxalate တွေ စွန့်ထုတ်မှု များ လာတဲ့အတွက် ဆီးကျောက် တည်ဖို့ အခွင့် အလမ်းများပါတယ်။ ဒါ့ကြောင့် ဆီးကျောက် မတည်စေ ချင်ရင်တော့ အချိုရည်တွေကို တစ်ခါ တစ်ရံမှသာ သောက်သင့် ပါတယ်။ 
တတ်နိုင်သမျှ ရှောင်ကြဉ်နိုင်ရင် ဆီးကျောက်တည်ရောဂါ သာမက ဆီးချိုရောဂါကိုပါ ကာကွယ် ရာရောက်ပါ တယ်။

ကော်ဖီတို့၊ လက်ဖက်ရည် တို့ကိုလည်း များ များမသောက်သင့်ပါဘူး။ တစ်နေ့ သုံးခွက် ထက် ပိုမသောက် သင့်ပါဘူး။ ကော်ဖီက ပိုဆိုးပါ တယ်။ ကော်ဖီမှုန့် ဆိုတာ ကော်ဖီအစေ့ကို တိုက်ရိုက် အမှုန့်ကြိတ် ထား တာ ဖြစ်ပါတယ်။ ကော်ဖီစေ့ကို ဓာတ်ခွဲကြည့်ရင် Purine alkaloid တွေများ စွာ ပါဝင်ပါတယ်။ Purine အုပ်စုမှာပါတဲ့ Caffeine ဓာတ်ဟာ အနည်း ငယ်သောက်ရင် ဥပမာ တစ် ခွက်နှစ်ခွက် သောက်ရင် စိတ်ကိုကြည်လင် လန်းဆန်း တက်ကြွစေတော့ ကောင်း ပါတယ်။ ဒါပေမဲ့ များများသောက်ခဲ့ရင် Caffeine ဓာတ် ဟာ ဆီး ကျောက်တည်ခြင်းကို အားပေးပါတယ်။ ဒါကြောင့် ပညာရှင် အများစုက တစ်နေ့ သုံးခွက် အထိပဲ သောက်သင့် တယ်လို့ ဆိုပါတယ်။ လက်ဖက် ရည်လည်း အလားတူပါပဲ။

ကွမ်းယာနဲ့ ပတ်သက်လို့ ကွမ်းယာထဲမှာ ပါတဲ့ ထုံးတွေဟာ Inorganic Calcium တွေ ဖြစ်လို့ ကျန်းမာရေးကို ထိခိုက်စေနိုင် ပါတယ်။ ကွမ်းယာ စားခြင်းဟာ လူကို ဘယ်လိုမှ အကျိုးမပြု နိုင်ပါဘူး။ ပါလာတဲ့ Calcium တွေ ဟာ ဆီး ကျောက်တည်ဖို့  အတွက် အလွန်ပဲ အားပေးပါ တယ်။ မြန်မာနိုင်ငံမှာ ဆီးကျောက်တည်သူ အများစုဟာ ကွမ်းယာ စားတဲ့ ဓလေ့ရှိကြောင်း တွေ့ ရပါတယ်။

အသားစားခြင်းနဲ့ ပတ်သက်လို့ ပြောရရင် အသားများများ စားတဲ့ သူတွေမှာ ဆီးကျောက်တည်ရောဂါ ပိုဖြစ်လေ့ရှိပါတယ်။ အသားတွေရော၊ ဝမ်းတွင်း ကလီစာတွေဟာ ဆီးကျောက်တည်ခြင်း ကို အားပေး ပါတယ်။ တော်ရုံသင့်ရုံ စားရုံနဲ့တော့ ပြဿနာ မရှိပါဘူး။ အလွန် အကျူးစား မှသာ ဖြစ် နိုင် တာဖြစ်ပါတယ်။ ပိုကောင်း တာကတော့ အသားငါးတွေ စားတိုင်း ဟင်းသီး ဟင်း ရွက်တွေနဲ့ တွဲစားရင် ပိုပြီးကောင်းပါတယ်။ အန္တရာယ်ကင်း ပြီး ဆီးကျောက် လည်း မတည်နိုင်တော့ ဘူးပေါ့။

ဟင်းသီး ဟင်းရွက်ပဲစားတဲ့ Vegetarian တွေဟာ ဆီးကျောက် တည်ရော ဂါဖြစ်ပွားလေ့ မရှိတာကို လေ့လာ သိရှိ ရပါတယ်။ ဘာကြောင့် လဲဆိုတော့ ဟင်းသီး ဟင်းရွက်ထဲမှာ ဆီးကျောက် မတည်အောင် ဟန့် တားပေးနိုင်တဲ့ သဘာဝ ဓာတ် ပစ္စည်းတွေ များစွာ ပါဝင်နေ လို့ ဖြစ်ပါတယ်။ ဟင်းရွက်တွေ စိမ်းနေတာ Chlorophyll (ကလိုရို ဖီးလ်)ကြောင့် ဆိုတာ လူတိုင်း သိပြီး ဖြစ်ပါတယ်။ Chlorophyll ရဲ့ Molecular Structure ကို ကြည့်ရင် အလယ်မှာ Magnesium ပါဝင်ပါတယ်။ ဟင်းရွက် စိမ်းတွေ စားရင် Magnesium တွေ ရပါတယ်။ ဒီ Magnesium တွေဟာ Calcium တွေကို အူကနေ စုပ်ယူမှု ကိုရော ကျောက်ကပ် ကနေ စွန့်ထုတ် မှုကိုပါ ထိန်းချုပ်ပေး ပါတယ်။ ဆိုလိုတာကတော့ Mg ++ တွေလုံလောက်အောင် ရှိရင် Ca ++ ဆီးထဲမှာ အနည်မကျနိုင်ပါဘူး။ အဲဒါကြောင့် ဟင်းသီး ဟင်းရွက်စိမ်းတွေဟာ ဆီး ကျောက်တည်ခြင်းကို ထိထိရောက်ရောက် ကာကွယ်နိုင်စွမ်းရှိပါတယ်။

ဒါ့အပြင် ပါဝင်တဲ့ Fibre တွေဟာ အူကနေ မလိုအပ်တဲ့ ပစ္စည်းတွေ စုပ်ယူမှု မရှိအောင် ဟန့် တားပေးတဲ့ အတွက် ဆီးကျောက် မတည်အောင် ကာကွယ်ပေးပြန် ပါတယ်။ ဒါကြောင့် Fibre လို့ ခေါ်တဲ့ အမျှင်ပါတဲ့ အစား အစာတွေ များ များစားခြင်းဟာ ဆီးကျောက် တည်ရောဂါကို ကာကွယ်နိုင်ရုံ မျှမက ဆီးချိုရောဂါ၊ အူကင်ဆာ ရောဂါ ကာကွယ်ရေး အထိပါ ထိရောက်မှုရှိပါ တယ်။

ဒါတင်မကပါဘူး။ ဟင်းသီးဟင်းရွက်မှာ ပါတဲ့ Vitamin (ဗီတာမင်) အချို့ဟာ လည်း ဆီးကျောက် မတည်အောင် ကာကွယ်ပေး ပါသေး တယ်။ ဥပမာ - Vitamin K ဆိုရင် ဆီးထဲမှာ Colloid လို့ခေါ်တဲ့ Glycoprotein တွေ တည် ဆောက်ရာမှာ အဓိက လိုအပ်ပါတယ်။ ဒီ Colloid တွေဟာ ဆီးအနည်မကျအောင် သတ္တုဓာတ်တွေကို အရည်ဘဝမှာ ရှိအောင် ဖျော်ပေးနိုင် တာကြောင့် ဖြစ်ပြီးသား ဆီးကျောက်တွေတောင် ပြန်ပျော် အောင် လုပ်နိုင်စွမ်းရှိပါတယ်။

အခြား ဗီတာမင်တွေ အနေနဲ့ Vitamin B6၊ Vitamin A နဲ့ Vitamin C တို့ဟာလည်း ဆီး ကျောက်တည်ခြင်းကို ဟန့်တားပေး ပါသေးတယ်။ Vitamin B6 ကိုတော့ ဂျုံ၊ ပြောင်း၊ အသည်းနဲ့ Yeast ပါဝင်တဲ့ အစား အစာတွေကနေ ရနိုင်ပါ တယ်။ Vitamin B6 (ဗီတာမင်ဘီစစ်) ဟာ Magnesium (Mg++) ရဲ့ လုပ်ငန်းဆောင် တာ တွေကို ကောင်းအောင် လုပ်ပေးပါတယ်။ ပြီး တော့ Vitamin B6 ဟာ ဆီးထဲမှာ Calcium oxalate စွန့်ထုတ်မှု ကို လျော့ နည်းစေတဲ့ အတွက် ဆီးကျောက် မတည်အောင် ကာကွယ်ပေးပါ တယ်။

Vitamin A (ဗီတာမင်အေ) အနေနဲ့ ကတော့ သဘာဝမှာ B-Carotene (ဘီတာကရိုတင်း) အနေနဲ့ ရနိုင်ပါတယ်။ အဝါရောင် ရှိတဲ့ အသီး အနှံ တွေ ဖြစ် တဲ့ သင်္ဘောသီး၊ သရက်သီး၊ မုန်လာဥဝါ တွေကနေ ပေါ များစွာ ရနိုင်ပါတယ်။ B-Carotene ကိုစားရင် ခန္ဓာကိုယ်ထဲမှာ Vitamin A အဖြစ် ပြောင်းလဲပါတယ်။ Vitamin A ချို့တဲ့ရင် ဆီးလမ်း ကြောင်းမှာရှိတဲ့ ဆဲလ် Cell လေးတွေဟာ ပျက် စီးပြီး ကွာကွာ ကျတတ်ပါတယ်။ ဒီဆဲလ်လေး တွေပေါ်မှာ ကျောက်တည်လေ့ ရှိတာမို့ Vitamin A မချို့တဲ့ ရလေအောင် B-Carotene ပါတဲ့ အဝါ ရောင် အသီး အနှံတွေကို မကြာခဏ စားပေးသင့် ပါတယ်။

Vitamin C (ဗီတာမင် စီ)လို့ ခေါ်တဲ့ အချဉ် ဓာတ်ဟာလည်း ပုံမှန် စားသောက် ရင် ဆီးထဲမှာ ရှိတဲ့ Ca++ (ကယ်လ်ဆီယမ်) တွေ PO4++ (ဖော့စဖိတ်)တွေကို ပျော်ဝင်စေနိုင်လို့ ဆီး ကျောက် မတည်အောင် ကာကွယ်ပေး ပါတယ်။ ယခု နောက်ပိုင်းမှာ ဆီးကျောက် တည်ရင် Vitamin C (ဗီတာမင်စီ) လိုအပ်ကြောင်း သိလာ ပါတယ်။ တစ်နေ့ကို 6g အထိ စိတ်ချလက်ချ စားနိုင် ပါတယ်။ အချို့ဆေးရုံ တွေမှာဆိုရင် ဆီး ကျောက်တည်ရောဂါသည်တွေကို Vitamin C (ဗီတာမင်စီ) ဆေးပြားတွေ အပြင် Magnesium Citrate (မဂ္ဂနီဆီယမ် စီးထရိတ်) Potassium Citrate (ပိုတက်ဆီယမ် စီးထရိတ်) တို့ကိုပဲ တိုက်ကျွေးလေ့ရှိပါတယ်။

အိမ်သုံးဆား NaCl ဆိုဒီယမ်ကလိုရိုက် ပါဝင်တဲ့ (အငန်ဓာတ်) ဟာ လူတစ်ဦး အတွက် နေ့စဉ် လိုအပ်တဲ့ဓာတ်ဖြစ်ပါတယ်။ ဒါကြောင့် ပုံမှန် သင့်တင့်ရုံ နေ့စဉ်စားရင် အန္တရာယ်မရှိပါ။ ဒါပေမဲ့ နေ့စဉ်ရက်ဆက် များများ စားခဲ့ရင်တော့ သွေးတိုးရောဂါ အပြင် ဆီးကျောက်တည်ရောဂါ ကို ဖြစ်စေနိုင်ပါတယ်။ ဆိုဒီယမ် 2.3 g (100 mmol) စားတိုင်းဆီးထဲမှာ Calcium ထုံးဓာတ် 40 mg (1mmol) ပိုမို စွန့်ထုတ်လေ့ ရှိတာမို့ အငန် ဓာတ်ဟာလည်း ဆီးကျောက် တည်ခြင်း ကို အား ပေးတဲ့ ဓာတ်တစ်မျိုး လို့ပြောနိုင် ပါတယ်။ ဆီး ကျောက်တည် ရောဂါ ဖြစ်နေတဲ့သူ ဆိုရင်တော့ ဆရာဝန်တွေက သွေးတိုး ရောဂါ သည်တွေကို ကုသ သလိုပဲ အငန်လျှော့စားခိုင်းပါတယ်။

credit >>ဒေါက်တာအောင်ဆန်းဝင်း

m