ခံတွင်းအနံ့ ဆိုးနေပါသလား?

ခံတွင်းနံ့ဆိုးတာဟာ လူတစ်ယောက်အတွက် သေနိုင်လောက်တဲ့ရောဂါဝေဒနာမဟုတ်ပေမယ့်လည်း ကိုယ့်ရဲ့တစ်ကိုယ်ရေသန့်ရှင်းမှုအပေါ် ထိခိုက်နေတာကြောင့် ဖြစ်ချင်ရာဖြစ်ပစ်ထားလို့မရပြန်ပါဘူး။ 
လူအများနဲ့စကားပြောတဲ့အချိန်မှာဖြစ်စေ ချစ်သူနဲ့ချစ်စကားတီးတိုးပြောဆိုရာမှာဖြစ်စေ 
ခံတွင်းနံ့ဆိုးခြင်းက အကြီးကြီးဒုက္ခပေးပါတော့တယ်။ 

ဒီလိုခံတွင်းနံ့ဆိုးတဲ့ ပြဿနာကိုခံစားနေကြရသူတွေဟာ ကမ္ဘာ့လူဦးရေရဲ့ ၃၀ % ထိရှိတာမို့ အားငယ်စရာတော့မလိုပါဘူး။ 

ဘာတွေကြောင့် ခံတွင်းနံ့ဆိုးရသလဲ ဘယ်လိုပျောက်ကင်းအောင် လုပ်နိုင်မလဲဆိုတာကို မျှဝေပေးလိုက်ပါတယ်။ ဘာတွေကြောင့် ခံတွင်းနံ့ဆိုးရသလဲ သွားအခေါင်းပေါက်ဖြစ်တာ ၊ သွားဖုံးရောဂါ ၊ ခံတွင်းသန့်ရှင်းမှုမရှိတာ ၊ လျှာမှာ အဖြူ(သို့) အဝါ အဖတ်တွေကပ်နေတာတွေကြောင့် ခံတွင်းနံ့မကောင်းတာ ဖြစ်နိုင်ပါတယ်။ ကျွန်တော်တို့ ပါးစပ်ထဲမှာ ရှိတဲ့ ရာနဲ့ချီတဲ့ ဘက်တီးရီးယားတွေက ခံတွင်းအနံ့ဆိုးကို ဖြစ်ပေါ်စေပါတယ်။ 

အာဟာရချို့တဲ့တာ ၊ ဆီချိုရောဂါ ၊ ခံတွင်းခြောက်သွေ့တာ (တံတွေးမှာ ရောဂါပိုးမွှားတွေသေစေနိုင်တဲ့ အာနိသင်ရှိပါတယ်) တို့ကြောင့်လည်း အနံ့ဆိုးကို ဖြစ်ပေါ်စေနိုင်ပါတယ်။ 

 လည်ချောင်းနာတာ၊ နှာမွှန်တာ၊ အူလမ်းကြောင်းဆိုင်ရာ ပြသနာတွေကလည်း ခံတွင်းအနံ့ဆိုးရတဲ့ အကြောင်းအရင်းတွေဖြစ်ပါတယ်။ ကြက်သွန်ဖြူ ၊ ကြက်သွန်နီ၊ ဆေးလိပ် ၊ ကော်ဖီနဲ့ အရက်တွေကြောင့်လည်း ယာယီခံတွင်းနံ့ဆိုးတာကို ဖြစ်ပေါ်စေနိုင်ပါတယ်။ 

ဒါကြောင့် ခံတွင်းနံ့ဆိုးတာကို ပျောက်ကင်းစေဖို့နည်းလမ်းလေးတွေကို အောက်မှာဖော်ပြပေးလိုက်ပါတယ်။ 
ဘယ်လိုပျောက်ကင်းစေမလဲ

 (၁) အံကပ်တပ်တယ်ဆိုရင် ညအိပ်တဲ့အခါ 
အံကပ်ကို ဖြုတ်ပြီး ဘက်တီးရီးယားတွေမပေါက်ပွားစေဖို့ သေသေချာချာဆေးကြောပေးပါ။ 

 (၂) ရေများများသောက်ပါ။ ရေအေးနဲ့ ပလုတ်ကျင်းပါ။ အစာစားပြီးတိုင်း သွားတိုက်ပါ။ 

 (၃) နှစ်လ သို့မဟုတ် သုံးလတစ်ကြိမ် သွားပွတ်တံကို လဲပေးပါ။ သွားကို ပုံမှန်စစ်ဆေးပြီး ပုံမှန် သန့်ရှင်းရေးလုပ်ပေးပါ။

 (၄) ဘက်တီးရီးယားတွေ ၊ မှိုတွေ ၊ ဆဲလ်သေတွေနဲ့ 
အနံ့ဆိုးတွေကို လျှှော့ချဖို့မနက်တိုင်း လျှာပွတ်တံနဲ့လျှာကို ပွတ်ပေးပါ။ 

(၅) လေးညှင်းပွင့်၊ စမုံနက်အစေ့တို့ကို ဝါးပေးပါ။ အဲဒါတွေရဲ့ ဘက်တီးရီးယားသေစေတဲ့ အာနိသင်က ဘက်တီးရီးယားကြောင့်ဖြစ်တဲ့ 
ခံတွင်းနံ့ဆိုးထွက်တာကို 
သက်သာစေနိုင်ပါတယ်။ 

 (၆) သံပရာခွံ ဒါမှမဟုတ် လိမ္မော်ခွံကို ပါးစပ်ထဲမှာ ဝါးပေးပါ (မဝါးခင် သေသေချာချာ ရေဆေးပါ)။ သံပရာခွံ၊ လိမ္မော်ခွံတွေထဲမှာရှိတဲ့ စစ်ထရစ်အက်စစ်(Citric Acid)က တံတွေးဂလင်းတွေကို လှုံ့ဆော်ပေးတာကြောင့် 
ခံတွင်းနံ့ဆိုးတာကို တားဆီးပေးနိုင်ပါတယ်။ 

 (၇) နံနံပင် ၊ ပင်စိမ်း ၊ ပူစီနံတို့ကို ဝါးပေးပါ။ သူတို့ထဲမှာပါတဲ့ ကလိုရိုဖီး (Chlorophyll) ကလည်း အနံ့တွေကို ပျောက်စေနိုင်ပါတယ်။ 

 (၈) သုံးဆယ်စက္ကန့် ပလုတ်ကျင်းနည်းကို သုံးကြည့်ပါ။ ရေတစ်ခွက်ထဲကို မုန့်ဖုတ်ဆော်ဒါ လက်ဖက်ရည်ဇွန်း တစ်ဇွန်း၊ ပူဒီနာ အဆီရည် အနည်းငယ်ထည့်မွှေပြီး ပလုတ်ကျင်းပါ။ အရည်ကို မမျိုချပါနဲ့။ 
 ကျန်းမာရေး ဗဟုသုတ
ကဲ…ဒီလောက်ဆိုရင်တော့ ခံတွင်းနံ့ဆိုးတာတွေအတွက် အတော်အသင့်ကာကွယ်နိုင်မှာပဲဖြစ်ပါတယ်။

တည်သီး၏ ကျန်းမာရေးကောင်းကျိုး (၁၀)မျိုး

တည်သီးကို ကြိုက်တဲ့သူလည်းကြိုက်ကြမှာပါ။ စာရေးသူစစားဖူးတုန်းကဆို နာမည်တောင်မသိဘူး။ ခရမ်းချဉ်သီးနဲ့တူတဲ့အသီးလို့ခေါ်ခဲ့ဖူးတာ။ 
ဒါပေမယ့် နောက်ပိုင်းမှ တယ်သီးလို့ ခေါ်ဝေါ်ကြောင်းသိလာခဲ့ရတယ်။ 
 
အခုနောက်ပိုင်းမှ တွင်တွင်ကျယ်ကျယ်စား
သုံးလာကြတဲ့ တယ်သီးမှာလည်း ကျန်းမာရေး အကျိုးကျေးဇူးတွေမနည်းပါဘူးနော်။    
၁။ကိုယ်အလေးချိန်ကျစေခြင်း။ 
တယ်သီးထဲမှာ အဆီပါဝင်မှုအင်မတန်နည်းပါတယ်။ 

တယ်သီးအနေတော်အရွယ်တစ်လုံးမှာတောင် Carbohydrate ၃၁ဂရမ်ပဲပါဝင်ပါတယ်။ ဒါကြောင့်မို့ ဝိတ်ချလိုတဲ့သူတွေ စားဖို့အတွက် အရမ်းသင့်တော်တဲ့ သစ်သီးလို့လည်းပြောလို့ရပါတယ်။

 ၂။သဘာဝအနာပျောက်ဆေးဖြစ်ခြင်း။ 
ဂျပန်တွေက တယ်သီးကို သဘာဝအနာပျောက်ဆေးလို့သတ်မှတ်ကြပါတယ်။ ရှေးခေတ်အခါတုန်းက အနာသွေးထွက်လွန်တာကိုတိတ်စေဖို့ တယ်သီးကိုအသုံးပြုကြတယ်လို့လည်းသိရပါတယ်။ 

 ၃။အစာချေစနစ်ကိုကောင်းမွန်စေခြင်း။ အမျှင်ဓာတ်ကြွယ်ဝစာတွေက အူမကြီးရဲ့လုပ်ဆောင်ချက်ကို ကောင်းမွန်စေတယ်လို့ သိထားကြပြီးသားပါ။ အမျှင်ဓာတ်ကြွယ်ဝတဲ့တယ်သီးကို ပုံမှန်စားသုံးပေးတဲ့အခါ အူမကြီးနဲ့သက်ဆိုင်တဲ့ ပြသနာတွေကိုသက်သာစေတာကြောင့် အစာချေစနစ်ကို အင်မတန်အထောက်အကူပြုပါတယ်။ ဝမ်းလျှောခြင်းကိုလည်းသက်သာစေပါတယ်။ 

၄။ဆီးချိုးသမားများအတွက် သင့်တော်ခြင်း။ ဆီးချိုရောဂါသမားတွေ အစာအစာနဲ့ပတ်သတ်လာရင် အာသာပြင်းပြစိတ်ဖြစ်တတ်ကြပါတယ်။ ဗိုက်ဆာလာတဲ့အခါမှာပဲဖြစ်ဖြစ် တယ်သီးကိုစားပေးလိုက်တဲ့အခါ ဆီးချိုရောဂါသမားတွေအတွက်ခံတွင်းတွေ့စေမှာပါ။ ဒီ့အပြင် တယ်သီးက သွေးချိုနှုန်းကိုလည်းထိန်းညှိပေးပါတယ်။ 

 ၅။သွေးပေါင်ချိန်ကျစေခြင်း။ ဆိုဒီယမ်များတဲ့အစားအသောက်တွေက သွေးပေါင်ချိန်ကိုတိုးစေပါတယ်။ ဒါပေမယ့် တယ်သီးမှာတော့ ဆိုဒီယမ်ဓာတ်အင်မတန်နည်းတဲ့အတွက် ဆီးချိုသမားတွေ အစာထိန်းစားရာမှာ ပါဝင်သင့်တဲ့ သစ်သီးတစ်မျိုးပါ။ 

၆။ကိုယ်ခံအားကောင်းစေခြင်း။ နေ့စဉ်ပုံမှန် ဗီတာမင် C ကိုမှီဝဲပေးတဲ့အခါ ကိုယ်ခံအားကောင်းစေပါတယ်။ ဗီတာမင်C ကြွယ်ဝတဲ့တယ်သီးကိုပုံမှန်စားသုံးပေးတဲ့အခါ သာမန်အအေးမိခြင်း၊ ဖျားနာခြင်းမှကာကွယ်ပေးတဲ့အပြင် ရင်ကြပ်ပန်းနာလိုမျိုး အဆုပ်နဲ့သက်ဆိုင်တဲ့
ရောဂါပိုးများမှလည်း ကင်းဝေးစေပါတယ်။ 

၇။ကင်ဆာရောဂါကို တိုက်ဖျက်ပေးခြင်း။ တယ်သီးမှာ Antioxidants တွေကြွယ်ဝတဲ့အတွက် ကင်ဆာဆဲလ်တွေကို တိုက်ဖျက်ပေးပါတယ်။ ဒီ့အပြင်တယ်သီးမှာ ဗီတာမင် A ပါဝင်ခြင်းကလည်း ကင်ဆာခုခံနှုန်းကို 
ပိုမြှင့်တင်ပေးပါတယ်။ 

 ၈။အမြင်အာရုံကောင်းစေခြင်း။ တယ်သီးမှာ ဗီတာမင်
 A ပါဝင်ပြီး ဗီတာမင် A ကအမြင်အာရုံကိုအားတိုးစေပါတယ်။

 ၉။သွေးနီဆဲလ်ထုတ်လုပ်မှု တိုးတက်စေခြင်း။ 
တယ်သီးမှာပါဝင်တဲ့ Copper ဓာတ်က သံဓာတ်စုပ်ယူမှုကိုအားကောင်းစေလို့ သွေးနီဆဲ
ထုတ်လုပ်မှုကို ကူညီမြှင့်တင်ပေးပါတယ်။ 

၁၀။အသည်းကိုကျန်းမာစေခြင်း။ တယ်သီးက 
အဆိပ်သင့်စေတဲ့ ဓာတ်ပစ္စည်းတွေဆီမှ ကာကွယ်ပေးပြီး ဆဲလ်ပျက်ဆီးခြင်းကိုလည်းတားဆီးပေးပါတယ်။ 
တစ်နည်းအားဖြင့် ကိုယ်တွင်းအဆိပ်အတောက်တွေကို ချေဖျက်ပေးပြီး အသည်းကိုကျန်းမာစေပါတယ်။ 
Credit to My Food

ဆီးချိုရောဂါအတွက် ရွေးချယ်စားသုံးပေးသင့်တဲ့ ကန်ဇွန်းဥ

 ကန်ဇွန်းဥကို မီးဖုတ် (သို့) မီးကင်ပြီးစားစား၊ ပြုတ်ပြီး
စားစား အရသာရှိလှပါတယ်။ အရောင်အမျိုးမျိုးရှိတဲ့ ကန်ဇွန်းဥကိုလည်း စျေးကွက်မှာ ဝယ်ယူစားသုံးနိုင်ပါတယ်။ ကန်ဇွန်းဥကို စားသုံးရင် ကျန်းမာရေး
အကျိုးကျေးဇူးတွေ ဘယ်လိုရနိုင်မလဲ။ 
 
၁။ ဆီးချို ဆီးချိုဝေဒနာရှင်တွေအတွက် ကန်ဇွန်းဥကို ရွေးချယ်စားသုံးသင့်ပါတယ်။ ကန်ဇွန်းဥမှာ သဘာဝသကြားဓါတ်ပါဝင်ပြီး ဆီးချိုဖြစ်စေဖို့ အထောက်အပံ့ဖြစ်စေတဲ့ အင်ဆူလင်ဓါတ်ကို ထိန်းချုပ်ပေးပါတယ်။ ဒါ့အပြင် သွေးတွင်း
သကြားဓါတ်ကိုလည်း ထိန်းညှိပေးနိုင်ပါတယ်။ 

၂။ အစာချေစနစ် ကန်ဇွန်းဥမှာ အမျှင်ဓါတ်တွေပါဝင်ပြီး အစာချေစနစ်ကိုကောင်းမွန်စေပါတယ်။ ဒါ့အပြင် အူမကြီးကင်ဆာဖြစ်ပွားမှုကို ထိန်းချုပ်ပေးနိုင်ပြီး ဝမ်းချုပ်တာကိုလည်း ပျောက်ကင်းစေပါတယ်။ 

 ၃။ အသက်ရှုလမ်းကြောင်းဆိုင်ရာပြဿနာများ ဆေးလိပ်သောက်သုံးတဲ့ သူတွေအထူးသဖြင့် ကန်ဇွန်းဥကို များများစားသုံးပေးသင့်ပါတယ်။ ကန်ဇွန်းဥမှာ ဗီတာမင် A ထုတ်လုပ်မှုကိုကူညီပေးနိုင်တဲ့ ဓါတ်တစ်မျိုးပါဝင်ပါတယ်။ 

၄။ နှလုံးနဲ့ တခြားကျန်းမာရေး ကန်ဇွန်းဥမှာ ဗီတာမင် D ကြွယ်ဝစွာပါဝင်လို့ နှလုံး၊ သွား၊ အရေပြား၊ အရိုး စတာတွေအတွက် ကောင်းမွန်စေပြီး သိုင်းရွိုက်ဂလင်းရဲ့ လုပ်ဆောင်မှုကိုလည်း ပုံမှန်အတိုင်းဖြစ်စေပါတယ်။ 

 ၅။ နှလုံးရောဂါ ကန်ဇွန်းဥမှာ ဗီတာမင် B6 ပါဝင်လို့ နှလုံးရောဂါဖြစ်ပွားမှုကို ကာကွယ်ပေးနိုင်ပါတယ်။ ဒါ့အပြင် လေဖြတ်တာနဲ့ တခြားရောဂါတွေ အတွက်လည်းကောင်းမွန်ပါတယ်။ 

 ၆။ ကိုယ်ဝန်ဆောင်မိခင်တွေ ကန်ဇွန်းဥမှာ ဖောလစ် (Folid) အက်ဆစ်ဓါတ်ပါဝင်တာကြောင့် ကိုယ်ဝန်ဆောင်မိခင်တွေ အထူးစားသုံးပေးသင့်ပါတယ်။ 

၇။ ဆံပင်ကျွတ်ခြင်း ဆံပင်ကျွတ်တာ ဆံသားပျက်ဆီးတာမျိုးဖြစ်နေလား။ ကန်ဇွန်းဥမှာ ဗီတာကယ်လိုတင်းဓါတ်ပါဝင်လို့ ဆံပင်ကျွတ်တာ ဆံသားပျက်ဆီးတာမျိုးကို ရပ်တန့်စေပြီး ဆံပင်သန်စေပါတယ်။ Credit: MyStyle

အခန်.မသင့်ရင် အသက်ပါဆုံးရှုံးစေနိုင်တဲ့ (Persimmon)တည်သီး

တည်သီးကို ၃နှစ်အောက်ကလေးများ မကျွှေးသင့် မြန်မာအခေါ်”တည်သီး”ကို ၃နှစ်အောက်ကလေးငယ်တွေကို လုံးဝမကျွေးသင့်ပါဘူး။ 
 
အဆင်မသင့်ရင် အသက်ပါဆုံးရှုံးရတဲ့အထိဖြစ်နို်င်တဲ့ သာဓကတွေကို အောက်က Link ထဲမှာအကြောင်းစုံ
ရေးသားဖော်ပြထားကြောင်း ဘာသာပြန် မျှဝေလိုက်ပါတယ်။

”တည်သီး”ဟာ ကလေးငယ်တွေအတွက်အစာအိမ်မှာ ကျောက်တည်စေနိုင်ပြီးရာသီဥတုအခြေအနေနှင့်
မကိုက်ညီချိန်တွင်စားသုံးမိပါက ကလေးငယ်မှအသက်ရှု မဝဖြစ်ကာ …. ကိုယ်ခံအားမကောင်းချိန်တွင် သတိမေ့မျှောခြင်း သတိပြန်မလည် လာသည် အထိ ဖြစ်စေ၍အသက်ပါဆုံးရှုံးနိုင်ကြောင်း
သတိပေးရေးသားထားတာ တွေ့ရပါတယ်။

ငယ်ရွှယ်တဲ့ ၃ နှစ်အောက် ကလေးငယ်တွေ ရဲ့အတွင်းကလီဇာ ခံနိုင်ရည်အားနှင့်ကလေး၏ အစားအသောက် အမျိုးမျိုးကိုသတိပြုရှောင်ကျဉ်၍ အဟာရနှင့် ကိုက်ညီသောအစားအစာများကို ရွှေးချယ်ကျွေးတတ်ဖို့သည်မိဘတိုင်း၏ အရေးကြီးသော အချက်ဖြစ်သည်။ နောက်အရေးကြီးတဲ့အချက်မှာတော့ ကလေးဖြစ်စေ/လူကြီးဖြစ်စေ တည်သီးစားပြီးနွားနို့/ပင်လယ်အစားအစာ ဟူသမျှကို(အထူးသဖြင့်ဂဏန်း )/စိမ်းစားဥ/ပဲနို့ရည်နှင့်ပဲပြားစသဖြင့်စားခဲ့မိလျှင် ဝမ်းထဲကကလီစာတွေပျက်စီးတတ်ကြောင်း
အောက်က Link မှာ သတိပေးတားမြစ် ဖော်ပြထားပါတယ်။

ဤPostကို ဖတ်ခြင်းဖြင့် ကျန်းမာရေးထက် တစ်ချို့ တည်သီးရောင်းချ၍ စီးပွားရေးဆန်သူတချို့မှာ စျေးကွက်အရ ဝေဖန်စရာဖြစ်ကောင်း ဖြစ်နိုင်ပါတယ်။ ဆိုလိုရင်းမှာ ရည်ညွှန်းခေါင်းစဉ်မှာ ၃နှစ်အောက် ကလေးငယ်များကို အဓိက ကျန်းမာရေးအတွက် သတိပြုဖော်ပြ ထားသည်။

တည်သီးတွင် စိုးကျိုးများရှိသလိုကောင်းကျိုးများလည်းရှိ၍ မဆင်မချင်စားသုံးလျှင် သင့်တင့်မှု့မရှိသောအစားအစာနှင့် တွဲဖက်၍ စားမိလျှင်…. ဘေးအန္တရာယ် ကိစ္စရပ်များစွာရှိ၍ ငယ်ရွှယ်သည့် ကလေးငယ်များအား အဓိကဦးစားပေး သတိပြု ဆင်ချင်သင့်ကြောင်း ရည်ညွှန်းပြောဆိုပါသည်။

မိမိကလေးငယ်ကို စားဖူးတယ်ရှိအောင်/သူစားတတ်မလား
မသိဘူး ဆိုပြီး စမ်းကျွေးမိတာမျိုး ရှိတတ်လို့ သတိပြုရန် ကျန်းမာရေးအတွက် မျှဝေလိုက်ပါတယ်
(ကျန်းမာရေး ဗဟုသုတ)မှ )

နှာခေါင်းသွေးလျှံခြင်း

နှာခေါင်းသွေးလျှံခြင်းဟာ ဘာလက္ခဏာမှမပြသဘဲ ရုတ်တရက်ကြီး ဖြစ်တတ်ပါတယ်။ 
နှာခေါင်းထဲမှာ အလွယ်တကူပေါက်ပြီး သွေးထွက်နိုင်တဲ့ 
သွေးကြောငယ်လေးတွေ အများအပြား ရှိနေတာကြောင့် ဖြစ်ပါတယ်။ နှာခေါင်းသွေးလျှံခြင်းဟာ ဆောင်းတွင်းမှာ 
ပိုအဖြစ်များပါတယ်။
 
 ဆောင်းရာသီရဲ့ အေးမြခြောက်သွေ့တဲ့လေဟာ နှာခေါင်းအတွင်းသားကို ခြောက်ကပ် အက်ကွဲစေတတ်တဲ့အတွက် သွေးထွက်လာရခြင်းပဲ ဖြစ်ပါတယ်။ နှာခေါင်းသွေးလျှံခြင်းဟာ စိုးရိမ်စရာ မလိုအပ်ပေမယ့် ဘယ်လိုသွေးတိတ်အောင် လုပ်ရမယ်၊ ဘယ်အချိန်မှာ ဆေးရုံကို ပြေးသင့်တယ်ဆိုတာတွေကို သိထားသင့်ပါတယ်။ ဘာကြောင့် နှာခေါင်းသွေးလျှံရတာလဲ?

 နှာခေါင်းသွေးလျှံခြင်းဟာ နှာခေါင်းနှိုက်တာ၊ နှပ်ညှစ်အားပြင်းတာ၊ နှာဖြန်းဆေး ခဏခဏထည့်ရင်း ထိခိုက်မိတာ စတာတွေကြောင့် ဖြစ်နိုင်ပါတယ်။ ဓာတ်မတည့်မှုတွေ၊ အအေးမိ နှာစေးတာတွေကြောင့် နှာခေါင်းအတွင်းလမ်းကြောင်း ရောင်လာတဲ့အခါလည်း နှာခေါင်းသွေးလျှံဖို့လမ်းစ ပိုများလာပါတယ်။ 

 ရံဖန်ရံခါမှာ ကားတိုက်မိတာ၊ နှာခေါင်းကို လက်သီးနဲ့ထိုးတာ စတဲ့ နှာခေါင်း ဒဏ်ရာအနာတရဖြစ်တဲ့အခါ နှာခေါင်းသွေး လျှံတတ်ပါတယ်။ ဓာတ်မတည့်မှုကို ကုသတဲ့ဆေးတွေနဲ့ ကိုကင်းလိုမျိုး တရားမဝင်ဆေးတွေဟာလည်း နှာခေါင်းသွေးလျှံစေနိုင်ပါတယ်။ ရှားရှားပါးပါး မျိုးရိုးဗီဇလိုက် သွေးကြောကျယ်ပြီး သွေးထွက်တတ်တဲ့ရောဂါ၊ သွေးမတိတ်ရောဂါတွေနဲ့ ကင်ဆာရောဂါတွေမှာလည်း နှာခေါင်းသွေးလျှံပြီး လာတတ်ကြပါတယ်။ 

သွေးတိတ်အောင် ဘယ်လိုလုပ်ကြမလဲ? အိမ်မှာပဲ ကိုယ့်ဟာကိုယ် သွေးတိတ်အောင် လုပ်နိုင်ပါတယ်။ ပထမဦးဆုံး စိတ်ကို ငြိမ်ငြိမ်ထားပါ။ စိတ်လှုပ်ရှားတဲ့အခါ သွေးထွက်တာ ပိုဆိုးစေတတ်ပါတယ်။ ခေါင်းကို ရှေ့နည်းနည်း ငိုက်လိုက်ပါ။ နောက်ပြန်လှန်ခြင်းဟာ သွေးတွေ လည်ချောင်းတစ်လျောက် စီးသွားနိုင်တဲ့အတွက် မလုပ်သင့်ပါဘူး။ 

နှာခေါင်းအဖျားကို လက်ညှိုးလက်မနဲ့ 5 မိနစ်ခန့် ဖွဖွဖိထားပါ။ အကယ်၍ သွေးထွက်တာ မရပ်ဘူးဆိုရင်တော့ 5 မိနစ်၊ 10 မိနစ်ခန့် ထပ်ဖိထားလိုက်ပါ။ သှေးတိတျသှားတဲ့အခါ နှာခေါငျးထဲက သှေးကွောတှေ ကဉြျးသှားအောငျ နှာဖွနျးဆေးလေး ဖွနျးပေးနိုငျပါတယျ။ ဒါပမေဲ့ ဆရာဝနျဖွနျးခိုငျးမှ ဖွနျးသငျ့ပါတယျ။ သှေးကွောတှေ ကဉြျးသှားတဲ့အခါ သှေးတိုးစနေိုငျတဲ့အတှကျ သှေးတိုးရောဂါနဲ့ အခွားကနြျးမာရေးပွဿနာရှိသူတှေမှာ 
မသုံးသင်.ပါဘူး။ 

 နှာခေါင်းထဲကို တစ်ရှူးတွေ၊ ဂွမ်းတွေ ထည့်ခြင်းက 
နှာခေါင်းထဲက သွေးကြောတွေကို ပိုပေါက်စေနိုင်တဲ့အတွက် လုံးဝမထည့်သင့်ပါဘူး။ နှာခေါင်းသွေးမလျှံအောင် ဘယ်လိုကာကွယ်ကြမလဲ? ခြောက်သွေ့တဲ့ဆောင်းရာသီတွေမှာ နှာခေါင်းအတွင်း နံရံတွေကို အစိုဓာတ်ရစေဖို့ မိုးရေ နှာဖြန်းဆေး သုံးပေးနိုင်တဲ့အပြင် ညဘက်တွေမှာ ရေငွေ့ပေးစက်တွေ သုံးသင့်ပါတယ်။ ရေနံအလှဆီကို နှာခေါင်းထဲ လိမ်းခြင်း မလုပ်သင့်ပါဘူး။ တစ်ခါတစ်ရံ နှာခေါင်းမှတစ်ဆင့် အဆုတ်ထဲဝင်သွားပြီး အဆုတ်ရောင်တာတွေ
 ဖြစ်တတ်ပါတယ်။ 

မိုးရေဂျယ်လ်အဆီဖြစ်ဖြစ် ဆရာဝန်ညွန်ကြားတဲ့ ပိုးသတ်လိမ်းဆေးဖြစ်ဖြစ် စတာတွေကိုသာ လိမ်းသင့်ပါတယ်။ 
နား၊ နှာခေါင်း၊ လည်ချောင်း ဆရာဝန်တွေက နှာခေါင်းနှိုက်ရာကနေ နှာခေါင်းသွေးထွက်တာကို ကာကွယ်ဖို့ရာ ကလေးတွေကို လက်သည်း သေချာညှပ်ပေးဖို့ အကြံပြုကြပါတယ်။ 

ဆေးလိပ်ဟာ နှာခေါင်း ခြောက်စေနိုင်တဲ့အတွက် ဆေးလိပ်ကိုလည်း ဖြတ်သင့်ပါတယ်။ ဘယ်အချိန်မှာ ဆရာဝန်နဲ့ ပြသင့်သလဲ? နှာခေါင်းသွေးလျှံနေတာ မိနစ် 30 ကြာတဲ့အထိ မရပ်ဘူးဆိုရင် ဆေးရုံ၊ ဆေးခန်း အမြန်ပြေးသင့်ပါတယ်။ မရပ်မတန့် တောက်လျောက် သွေးထွက်နေတယ်။ ရပ်သွားပြီးမှ ပြန်ပြန်ထွက်နေတယ် ဆိုရင်တော့ ဆရာဝန်နဲ့ ပြသသင့်ပါတယ်။

 နှာခေါင်းသွေးထွက်နေတာဟာ ကင်ဆာလိုမျိုး အရေးကြီး ရောဂါတစ်မျိုးမျိုးကြောင့် ဖြစ်နေနိုင်တဲ့အတွက် 
သေချာစစ်ဆေး စမ်းသပ်ပြီး အကြောင်းရင်းကို 
စမ်းသပ်စစ်ဆေး ရှာဖွေသင့်ပါတယ်။  
Credit: Dr. Mya Phoo Ngon 

မုန်လာဥနီ ဖျော်ရည်အစွမ်း

မုန်လာဥနီ ဖျော်ရည်ကို ၈ လ ဆက်တိုက် မနက်တိုင်း စွဲစွဲ မြဲမြဲ သောက်ပြီးတဲ့ နောက် ကြုံတွေ့ခဲ့ရတဲ့ မယုံနိုင်စရာ အဖြစ်အပျက် ကလေးစာပေတွေကို ရေးသားတဲ့ နာမည်ကျော် စာရေးဆရာမ 
Mrs Ann Cameron ကေတာ့ သူမရဲ့ အံ့ဩစရာအဖြစ်အပျက်ကို မျှဝေခဲ့ပါတယ်။ 

သူမ ဘဝ မှာ ပထမဆုံးခါးသီးစွာ ကြုံတွေ့ခဲ့ရတဲ့ ရောဂါ ကတော့ ဓာတု ကုထုံး နဲ့ ကုသမှူ ခံယူရင်း ၂၀၀၅ ခုနှစ်မှာ ကွယ်လွန်ခဲ့တဲ့ သူမ ခင်ပွန်းသည် ခံစားခဲ့ရတဲ့ ရက်စက်လှတဲ့အဆုတ် ကင်ဆာ ပါပဲ.. သူမကိုယ်တိုင် အူမကြီး ကင်ဆာ တတိယ အဆင့်ကို ခံစားနေရတယ်လို့ သိလိုက်ရချိန်မှာ သူမဟာ သူမ ရဲ့ ခင်ပွန်းသည်လို ဓာတုကုထုံး နဲ့ ကုသမှူ ခံယူဖို့ကို ငြင်းဆိုခဲ့ပါတယ်…

 ၂၀၁၂ ခုနှစ် ဇွန်လ မှာ ခွဲစိတ်ကုသမှု ခံယူခဲ့ပါတယ်… အဲ့ဒီနောက် တစ်ရက်ထက် တစ်ရက် သက်သာ သလို ခံစားခဲ့ရပေမဲ့ ၆ လ အကြာ စမ်းသပ်စစ်ဆေးမှူတွေ ပြုလုပ်ချိန်မှာတော့ ကင်ဆာဆဲလ် တွေဟာ သူမ ရဲ့ အဆုတ်အထိ ပြန့်နှံ့လာပြီး ကင်ဆာ စတုတ္ထ အဆင့်အထိ ရောက်နေကြောင်း သိလိုက်ရပါတယ်…

Ann ဟာ ဒီရောဂါဆိုး ကြီးကို တိုက်ထုတ်နိုင်မဲ့ နည်းမျိုးစုံ ကို လေ့လာရှာဖွေတဲ့အခါ အရေပြားရောဂါဆိုးကြီးကို ခံစားခဲ့ရတဲ့ Ralph Kalley ရဲ့ ဖြစ်စဉ်ကို သိလာခဲ့ပါတယ်.. Ralph Kalley ရဲ့ အပြော အရဆိုရင်တော့ သူဟာ ၂.၅ ကီလိုဂရမ် အလေးချိန်ရှိတဲ့ မုန်လာဥနီ ဖျော်ရည်ကို နေ့စဉ် တိုင်း တစ်နေကုန်သောက်သုံးရင်းနဲ့ သူ့ရဲ့ အရေပြားကင်ဆာ ကို ကုသနိုင်ခဲ့တယ်လို့ ဆိုပါတယ်…

 Annကတော့ အောက်ပါ နည်းများနဲ့ သူမရဲ့ကျန်းမာရေးကို တိုးတက် စေခဲ့တယ် လို့ဆိုပါတယ်..

• မုန်လာဥနီ ဖျော်ရည်ကို ၈ ပတ် ဆက်တိုက် သောက်ပြီးနောက် ကင်ဆာဆဲလ် တွေ ပြန့်နှံ့ခြင်း မရှိတော့ပဲ အသားပိုတွေဟာလည်း ကျုံ့လာတယ်ဆိုတာကို စမ်းသပ် တွေ့ရှိခဲ့ရပါတယ်.

 • ၄ လ ခန့် ဆက်တိုက် သောက်ပြီးချိန်မှာ တော့ အဖုအကျိတ်လေးတွေ ဟာ ပုံမှန်အတိုင်းပြန်ဖြစ်သွားပြီး ကင်ဆာဆဲလ်တွေကိုလည်း ဆက်လက် ထိန်းချုပ် ကုသနိုင်ကြောင်းတွေ့ရှိခဲ့ ပါတယ်..

• ၈ လ ပြည့်တဲ့ အချိန်မှာတော့ နေ့စဉ် တစ်နေကုန် မုန်လာဥနီ ဖျော်ရည်ကို မပျက်မကွက် သောက်ခဲ့ တဲ့ ကျေးဇူးနဲ့ ကင်ဆာရောဂါ လုံးဝ ပျောက်ကင်းသွားကြောင်း စစ်ဆေး တွေ့ရှိခဲ့ရပါတယ်…

 အခုလို အံ့သြစရာ ရလာဒ် များ ကို ရစေခဲ့တာကတော့ မုန်လာဥနီ ဖျော်ရည်မှာ ပါဝင်တဲ့ Fatty Alcohol ၊ ကင်ဆာဖြစ်စေသော ဆဲလ်များကို သဘာဝအလျောက် သေစေတဲ့ ဓါတ်များ နဲ့ မုန်လာဥမှာ ပါဝင်တဲ့ Carotene တို့က ကင်ဆာဆဲလ်များ ဖြစ်ပွားခြင်းကို ထိထိရောက်ရောက် ကာကွယ်ပေးခဲ့ခြင်း ကြောင့်ဖြစ်ပါတယ်။

သူမရဲ့ မုန်လာဥနီ ဖျော်ရည် ကုထုံး ကို ဆောင်ရွက်လို့အပြီးမှာ အခုလို ထိရောက်တဲ့ ရလာဒ်ကောင်းများ ရခဲ့ပြီးတဲ့နောက် Ann Cameron ဟာ “မုန်လာဥနီ ဖြင့် ကင်ဆာရောဂါကို ကုသခြင်း” ဆိုတဲ့ စာအုပ် ကို ရေးသား ထုတ်ဝေခဲ့ပါတယ်။

မုန်လာဥနီ ဖျော်ရည်ပြုလုပ်ရန် လိုအပ်သော ပစ္စည်းများ (တစ်ခွက်စာ) - မုန်လာဥနီ ၆ တောင့် (၂.၅ ကီလို ဂရမ် ခန့်) - သံပုရာသီး တစ်ခြမ်း (အနံ့မွှေးကြိုင်စေရန်) -
၁ လက်မ ခန့် အရွယ် ဂျင်း တစ်တက် -
နနွင်းမှုန့် လက်ဖက်ရည်ဇွန်း တစ်ဝက် သို့မဟုတ်
၄ ပုံ ၁ ပုံ - သစ်ဂျပိုးခေါက် အမှုန့် လက်ဖက်ရည်ဇွန်း
၈ ပုံ ၁ ပုံ - ရေဖန်ခွက် တစ်ဝက် ပါဝင်သည့်
ပစ္စည်းများအားလုံးကို (သစ်ဂျပိုးခေါက်မှုန့်မှ လွဲပြီး) သစ်သီးဖျော်စက်ထဲသို့ ထည့်ကြိတ်ပါ၊
ထို့နောက် အဖတ်များကို သေချာစွာ စစ်ထုတ်ပြီး သစ်ဂျပိုးခေါက်မှုန့်ထည့်ပြီး သေချာစွာမွှေပါ။
ခပ်ကျဲကျဲ သောက်လိုပါက ရေထပ်ထည့် နိုင်ပါသည်။