ဘယ်တော့မှ လေမဖြတ်စေရန် ....

တစ်နေ့ကို လက်ဖက်ရည် လေးခွက် သောက်သူ များတွင် လေဖြတ်နိုင်ခြေ လျော့နည်း လက်ဖက်ရည်ကြမ်း တစ်နေ့ကို လေးခွက်မျှ ပုံမှန် သောက်သုံးသူ များတွင် လေဖြတ် 
ဝေဒနာ ခံစားရနိုင်ချေ ၂၀% လျော့နည်း နိုင်ကြောင်း 
လေ့လာမှု တစ်ရပ်တွင် ဖော်ပြထားသည်။ 
သုတေသီများသည် ဆွီဒင် နိုင်ငံရှိ လက်ဖက်ရည် 
သောက်သုံးသူ များကို အထူးပြု လေ့လာခဲ့ပြီး ယင်းတို့သည် ဦးနှောက်တွင်း သွေးခဲ ပိတ်ဆို့မှုကြောင့် ဖြစ်ပွားရသော 
 လေဖြတ် ဝေဒနာကို လျှော့ ချ ပေးနိုင်ကြောင်း ဖော်ထုတ် နိုင်ခဲ့သည်။ယခုလေ့လာမှုကို ဆွီဒင်နိုင်ငံ၊ Karolinska Instituteမှ သိပ္ပံပညာရှင် များက ဦးဆောင် လေ့လာခဲ့ပြီး 
 စတော့ ဟုမ်းမြို့ရှိ လူဦးရေ ၇၅၀ဝဝခန့်ကို 
လေ့လာခဲ့သည်။ 
အင်္ဂလန် တစ်နိုင်ငံ တည်းတွင်ပင် လေဖြတ် ဝေဒ နာကြောင့် သေဆုံးရသူ များမှာ နေ့စဉ်၂၀ဝဦးခန့် ရှိပြီး အများစုမှာ 
မသန်စွမ်း ဖြစ်မှုနှင့် ကြောက်ရွံ့စွာ နေထိုင်ရမှုများက ရှိရင်းစွဲ ဝေဒနာကို ပိုဆိုး စေသဖြင့် သေဆုံး ရသည်ဟု ယခုစာတမ်းတွင် ရေးသား ထားသည်။ လေဖြတ်သူ ဦးရေ၏ ၈၅%မှာ Ischaemic stroke ဟုခေါ်သည့် ဦးနှောက်တွင်းသို့သွားသော သွေးကြော များတွင် သွေးခဲ ပိတ်ဆို့ခြင်းနှင့် ဦးနှောက် သွေးလှည့်ပတ်မှု 
ပုံမှန် မဖြစ်ခြင်းကြောင့် ဖြစ်ပွားရ သည့် 
လေဖြတ်ခြင်းကို ခံစားရသည်။ 

ကျန် ၁၅%မှံာ Haemorrhagic stroke ဟုခေါ်သည့် ဦးနှောက်တွင်းမှ သွေးကြော ပေါက်ခြင်းကြောင့် ဖြစ်ပွားရသော လေဖြတ်ခြင်းကို ခံစားရသည်။ လေ့လာမှု များစွာ အရ လက်ဖက်စိမ်း (green-tea)ရည်က ဦးနှောက် အပေါ် 
ကာကွယ်နိုင်မှု အပေါ် အထူးပြုခြင်းများသာ ရှိနေပြီး 
လက်ဖက်ရည်ကြမ်း (black-tea) အပေါ် 
လေ့လာမှုများ နည်းပါး နေသည်ဟု 
ဆိုထား သည်။ 

ယခုလေ့လာမှု တွင်လူပေါင်းရ၅၀ဝဝ အနက်၄၀ဝဝ ခန့်သည် ပြင်းထန်သော လေဖြတ် ဝေဒနာကို ခံစားနေရသူများ ဖြစ်ပြီး ယခုလေ့လာမှုကို ၁၉၉၇ခုနှစ်မှ စတင်ခဲ့ခြင်း ဖြစ်သည်။ 
ရလဒ်များ အနက် လေဖြတ် ဝေဒနာကို မခံစား 
ရသူများသည် လက်ဖက်ရည်ကြမ်း သောက်သုံးသူ အများစု ဖြစ်နေသည်ကို တွေ့ခဲ့ရပြီး ယင်းလက်ဖက်ရည်ကြမ်း 
သောက်သုံး သူများသည် မသောက်သုံး သူများထက် 
လေဖြတ် ဝေဒနာကို၂၀% ပိုမိုလျော့ နည်းကြောင်းကို 
ဖော်ထုတ် နိုင်ခဲ့သည်။ 

ယခုလေ့လာမှုတွင် ပါဝင်သော လေဖြတ် ဝေဒနာကို 
လျော့ပါး စေနိုင်သည့် အာနိသင်သည် လက်ဖက်ရည်ကြမ်းတွင် ပါဝင်သော နှလုံးနှင့် ဦးနှောက် ကျန်းမာရေးကို ကောင်းမွန်
 စေသည့် flavonoid ဓာတ်ပေါင်း များကြောင့် 
ဖြစ်သည်ဟု ဆိုထားသည်။