( အသည်းရောဂါ )

အသည်းဆိုတာ စားလိုက်သမျှ အစားအသောက်တွေကို ခန္ဓာကိုယ်အတွက်မရှိမဖြစ်တဲ့အာဟာရဓာတ်တွေအဖြစ် အသွင်ပြောင်းလဲပေးတဲ့ အဓိကအစိတ်အပိုင်းတစ်ခုပါ။ သူ့ရဲ့လုပ်ဆောင်ချက်တွေက – 
• အဆိပ်အတောက်ဓာတ်တွေလိုမျိုး ခန္ဓာကိုယ်
ထဲက စွန့်ပစ်ပစ္စည်းတွေကို ဖယ်ရှားစွန့်ထုတ်ပေးတယ် 
• အစာတွေချေဖျက်ဖို့ သည်းခြေရည်ထုတ်ပေးတယ် 
• ခန္ဓာကိုယ်မှာ ခွန်အားအဖြစ်အသုံးပြုနိုင်ဖို့ 
သကြားဓာတ်ကို သိုလှောင်ပေးတယ် 
• ပရိုတင်းတွေ ထုတ်လုပ်ပေးတယ် / 
ဒါပေမယ့် အသည်းမှာ ကိုယ်မသိလိုက်ဘဲရောဂါဖြစ်နေတတ်ပြီး အချိန်ကြာလေ ပိုထိခိုက်လေ ဖြစ်လာနိုင်ပါတယ်။ ဘယ်အချက်တွေကြောင့်လဲဆိုတော့ သောက်သုံးတဲ့ဆေးတွေ၊အရက်သောက်ခြင်း၊ 
အဆိပ်အတောက်တွေ၊ မူးယစ်ဆေး၊ အဝလွန်ခြင်း၊ 
အသည်းရောင်ရောဂါ ဗိုင်းရပ်စ်တွေ၊ အမျိုးအစား ၂ ဆီးချိုရောဂါနဲ့ မျိုးဗီဇပြဿနာတို့ကြောင့်ဖြစ်လာတတ်ပါတယ်။ 

အသည်းရောဂါရှိလာရင် ........
အသည်းရောဂါဆိုတာ အသည်းရောင်၊ အသည်းအဆီဖုံး၊ 
အသည်းခြောက် စတဲ့ ပြင်းထန်မှုအဆင့်၊ နောက်ဆက်တွဲပြဿနာ
အမျိုးမျိုးနဲ့ အမျိုးအစားတွေရှိပါတယ်။ အဲဒီထဲက ဘယ်အသည်းရောဂါဖြစ်လာလာ အမြန်ဆုံးပုံမှန်ပြန်ဖြစ်အောင်၊ တတ်နိုင်သလောက် အသည်းကျန်းမာရေးပြန်ကောင်းလာအောင်၊ ရောဂါပိုမဆိုးလာအောင် ကြိုးစားနေထိုင်ဖို့ပဲ အဓိကထားရမှာပါ။ ဒါဆို ဘာတွေဂရုစိုက်ရမလဲ အကြံပြုချက်တွေ ဆက်ကြည့်ရအောင်။ 
• အသည်းအထူးကုဆရာဝန်နဲ့ ပုံမှန်ပြပြီး ကုသမှုခံယူပါ။ ညွှန်ကြားချက်တွေကို လိုက်နာပြီး အသည်း
ကျန်းမာရေးကို စောင့်ကြည့်ဂရုစိုက်ပါ။ 
• ကိုယ်လက်လှုပ်ရှားလေ့ကျင့်ခန်းပုံမှန်လုပ်ပါ။ 
လှုပ်ရှားမှုနည်းလို့ ကိုယ်အလေးချိန်များနေရင်းက အသည်းအဆီဖုံးခြင်းကိုဖြစ်လာစေနိုင်ပါတယ်။ လေ့ကျင့်ခန်းပုံမှန်လုပ်ခြင်းက ကိုယ်ခံအားကိုလည်း
ပိုကောင်းစေနိုင်ပြီး ပြင်ပကရောဂါပိုးတွေကိုကာကွယ်
တားဆီးနိုင်ပြီး အသည်းကိုကာကွယ်နိုင်ပါတယ်။ 
• အသည်းကို ရောဂါပိုးတွေထပ်မကူးစက်စေဖို့ အသည်းရောင်
 အေ နဲ့ ဘီ ရောဂါပိုးကာကွယ်ဆေးတွေထိုးထားပါ။ 
• အရက်သောက်ခြင်းနဲ့ဆေးလိပ်သောက်ခြင်း နှစ်မျိုးစလုံးက နဂိုတည်းကမကျန်းမာတဲ့ အသည်းကိုထိခိုက်စေနိုင်လို့ ရှောင်ပါ။ 
• ကိုယ့်မှာ အသည်းရောဂါရှိနေတယ်ဆိုတော့ ဆေးတွေကို အလွယ်မသောက်ဖို့ ပိုသတိထားရပါမယ်။ 
ဥပမာ acetaminophen လို အကိုက်အခဲပျောက်ဆေးကို သောက်သုံးတာများရင် အသည်းကိုပိုအထိနာစေနိုင်တဲ့ဆိုးကျိုးရှိပါတယ်။ 
• အိမ်သုတ်ဆေး၊ ကော်၊ အိမ်သန့်ရှင်းရေးသုံးပစ္စည်းတွေ၊ လက်သည်းဖျက်ဆေး သို့မဟုတ် တခြားအဆိပ်အတောက်ဓာတုပစ္စည်းတွေရဲ့အငွေ့တွေ၊ 
အနံ့ပြင်း တွေကို မရှူရှိုက်မိအောင် ဂရုစိုက်ပါ။ 
ဒါတွေကို ရှူမိရင် အသည်းကိုထိခိုက်စေနိုင်ပါတယ်။ 
• အသီးအရွက်တွေကို များများစား၊ အသီးအနှံတွေ၊ ဂျုံပြောင်းနှံတွေ၊ 
ငါးနဲ့ အဆီမပါအသားတွေနဲ့ ညီညွတ်မျှတအောင် စားပေးပါ။
အထူးသဖြင့် ဂေါ်ဖီထုပ်၊ ဂေါ်ဖီပန်း၊ ပန်းဂေါ်ဖီစိမ်း စတဲ့ ဂေါ်ဖီထုပ်နွယ်ဝင်တွေက အသည်းကို ဓာတုပစ္စည်းတွေ
အန္တရာယ်က ကာကွယ်ပေးနိုင်ပါတယ်။ 
• အခွံမာငါးတွေ(ကမာ၊ ခရု၊ ဂုံးတို့လို ပင်လယ်စာတွေ)ကို 
အစိမ်းစားတာ၊ မကျက်တကျက်စားတာက Vibrio vulnificus လို့ခေါ်တဲ့ ဘက်တီးရီးယားတစ်မျိုးပါလာနိုင်ပါတယ်။ 
အဲဒီဘက်တီးရီးယားက အသည်းအတွက် အရမ်းကို အဆိပ်အတောက်ဖြစ်စေပြီး ထိခိုက်မှုပြင်းထန်စေနိုင်ပါတယ်။ 
• အဆီများတဲ့ အစားအစာတွေကို အကန့်အသတ်နဲ့စားပါ။ 
ဆီကြော်တွေနဲ့ ပြုပြင်စီမံထားတဲ့အစားအစာတွေကို သိပ်မစားပါနဲ့။ 
• အချိုနဲ့အငန်များတာတွေလည်း သိပ်များများမစားသင့်ပါဘူး။ အငန်များတဲ့အစားအစာတွေနဲ့ ပရိုတင်းအများကြီးစားသုံးခြင်းက ခန္ဓာကိုယ်မှာ အရည်ဓာတ်စုစေနိုင်ပြီး သွေးလည်ပတ်မှုအတွင်း အဆိပ်အတောက်တွေပိုများစေနိုင်ပါတယ်။ 
• သန့်စင်တဲ့ရေ ကိုလုံလောက်အောင် သောက်ပါ။ ရေဓာတ်မခန်းခြောက်ပါစေနဲ့။ 
• အစေ့အဆန်တွေ၊ ပြောင်းဖူး၊ မြေပဲ စတာတွေမှာ မှိုတက်နေတာ 
မစားမိဖို့ အမြဲစစ်ဆေးပါ။ အစားအသောက်မှာပါတဲ့ မှိုဟာ သိသိသာသာမမြင်ရရင်တောင်မှ အသည်းကင်ဆာ
အထိဖြစ်စေနိုင်တဲ့အထိ အဆိပ်ဖြစ်စေတဲ့အန္တရာယ်ကြီးမားပါတယ်။ စားစရာတွေကို စွတ်စိုထိုင်းမှိုင်းတဲ့ပတ်ဝန်းကျင်မှာ ထားရှိတဲ့အခါ 
ဒါမှမဟုတ် အဖုံးမလုံတာမျိုး ဆိုရင် မှိုတက်တတ်လို့ သတိထားပါ။ 
• စိတ်ဖိစီးမှုတွေကိုလျှော့ပါ၊ လုံလောက်စွာအနားယူပါ။ အနားယူချိန်မလုံလောက်လို့ ကိုယ်ခံအားနည်းလာတဲ့အခါ ဘယ်ရောဂါပိုးမဆို ထပ်ဝင်ဖို့လွယ်ကူလာနိုင်ပါတယ်။ 
ဒါ့ကြောင့် ကိုယ်စားလိုက်သမျှ၊ သောက်လိုက်သမျှ၊ ရှူသွင်းလိုက်သမျှ၊ အရေပြားကစုပ်ယူလိုက်သမျှဟာ နောက်ဆုံးကျရင် အသည်းကနေ စစ်ထုတ်လုပ်ဆောင်ပေးရတာချည်းပဲ ဆိုတာလေး သတိရှိပါ။ ဒါတွေအကုန်လုံးက အသည်းနဲ့ထိတွေ့မှာပဲဆိုတော့ အရာရာကို ဂရုစိုက်ဆင်ခြင်သွားရင် အသည်းရောဂါရှိနေလည်း ကျန်းမာပျော်ရွှင်စွာ သက်တမ်းစေ့နေထိုင်သွားနိုင်ပါလိမ့်မယ်နော်။

ရေးသားသူ Dr. Thin Yadanar 

 ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win