သက်သတ်လွတ်စားသူ လေဖြတ်နိုင်ခြေ ပိုမြင့်မား,

 

သက်သက်လွတ်သမားတွေက အသားစားသူတွေထက် လေဖြတ်နိုင်ခြေ ပိုမြင့်မားကြောင်း တွေ့ရှိ ကမ္ဘာပေါ်မှာ သက်သက်လွတ်သမားတွေ က အသားစားသူတွေ ထက် လေဖြတ်နိုင်ခြေ ပိုမြင့်မားသည် ဟု လေ့လာ တွေ့ရှိကြောင်း သိရှိရပါတယ်။ ဆယ်နှစ်တာကာလ အတွင်း မှာ လူပေါင်း 
၁,၀၀၀ အား လေ့လာကြည့်ရာတွင် သက်သက်လွတ်
သမားတွေ က အသားစားသူတွေနဲ့ ယှဉ်ရင် နှလုံးရောဂါဖြစ်ပွားမှုဖြစ်စဉ် ၁၀ ခု 
ပိုနည်းကြောင်း သိရပါတယ်။ 

ဒါပေမယ့် လေဖြတ်မှု ဖြစ်စဉ်ကတော့ သုံးခုပိုများကြောင်း ဒေတာအချက်အလက်တွေအပေါ် မူတည်ပြီး သုတေသီတွေက အကဲဖြတ်ခန့်မှန်းသွားခဲ့ပါတယ်။ အသားမစားတဲ့သက်သက်လွတ် သမားများ အနေဖြင့် တကယ်တမ်း မှာ အသားစားသူတွေနဲ့ စာရင် လေဖြတ်နိုင်ခြေ ပိုမြင့်မားနိုင်ကြောင်း လေ့လာချက်တစ်ခုက ဖော်ပြလိုက်ပါတယ်။ အခု လို အံ့အားသင့်စရာ တွေ့ရှိချက်တွေကို ထုတ်ဖော် လိုက်တဲ့ လေ့လာချက်သစ်ကြောင့်လည်း သက်သက်လွတ်သမားတွေအတွက် စိုးရိမ် ပူပန်စရာ ဖြစ်လာစေနိုင်ဖွယ်လည်း ရှိနေပါတယ်။ 

သို့ပေမယ့်လည်း 
ယခု တွေ့ရှိချက်တွေကြောင့် သက်သက်လွတ် အကျင့်ကို စွန့်ပြီး အသား ပြေးဝယ်စားဖို့အတွက်ကတော့ စောလွန်းနေပါသေးတယ်။ BMJ ဆေးပညာဂျာနယ်မှာ ဖော်ပြခဲ့တဲ့ ယင်း စစ်တမ်းအရဆိုရင် လေဖြတ်နိုင်ခြေနှုန်းက အနည်းငယ်သာလျင် မြင့်တက်တာဖြစ်တယ်လို့ သိရပါတယ်။ 

တစ်ချိန်တည်းမှာလည်းပဲ သက်သက်လွတ်သမားတွေက အသားစားသူတွေထက် နှလုံးရောဂါ ဖြစ်နိုင်ခြေ နည်းပါး နိုင်တယ်ဆိုတဲ့ တစ်ခြား လေ့လာ တွေ့ရှိချက်တွေကိုလည်း ယခုလေ့လာချက်မှာ အတည်ပြုခဲ့ပါတယ်။ 

 “ ဒီနေရာမှာ ရလဒ်နှစ်ခုကို ကျွန်တော်တို့ ယှဉ် ကြည့်ခဲ့တယ်ဆိုတာကို အလေးထားနိုင်ဖို့ အရေးကြီးပါတယ်၊ နှလုံးရောဂါ ဖြစ်နိုင်ခြေ နည်းပါးမှုက လေဖြတ်နိုင်ခြေ မြင့်မားမှုထက် ပိုအလေးသာနေပုံလည်း ပေါ်ပါတယ်” လို့ ယခုလေ့လာချက်မှာ ပါဝင်ရေးသားခဲ့တဲ့ အောက်စ်ဖို့ဒ် တက္ကသိုလ် ပြည်သူ့ကျန်းမာရေးဆိုင်ရာ Nuffield ဌာနက အစာ 
အာဟာရ ဆိုင်ရာ ကူးစက်ပြန့်ပွားမှု ကာကွယ်ရေး ပညာရှင် Tammy Tong က ပြောသွားပါတယ်။
 REF: MIZZIMA